LEHONA 03
E Ke Maufakatuatuagia Te Tuhi Paia?
E lahi na folafolaga ma na fautuaga i te Tuhi Paia. Atonu ko koe e naunau ke ke iloa na akoakoaga a te Tuhi Paia, kae e ono faigata ona talitonu pe moni nei na akoakoga ienā. E ke maufakatuatuagia nei ni folafolaga ma ni fautuaga mai he tuhi kua leva? E talitonu moni koe ki na mea e leamai ai te Tuhi Paia, e fakatatau ki te maua o he olaga fiafia i te taimi nei ma te lumanaki? E faitau miliona ia tagata e talitonu ki ei. Ta kikila la pe talitonu foki koe ki ei.
1. Pe ko te Tuhi Paia ko he tuhi o ni mea moni pe ni tala fatu?
Kua takua i te Tuhi Paia ko ni “upu sa’o o le upu moni.” (Failauga 12:10) Kua fakamatala ai ni mea moni na tutupu ma ni tino moni na aofia ai. (Faitau te Luka 1:3; 3:1, 2.) Kua fakamaonia mai e ni tuhitala o te talafakaholopito ma na tino hukehuke o na toegā mea, te hako ma te moni o na aho, na tino, na nofoaga ma na mea na tutupu ie e fakamatala mai i te Tuhi Paia.
2. Aiheā e mafai ai ke lea ve e aogā pea te Tuhi Paia e ui ko he tuhi kua leva?
E lahi na fakamaoniga e iloa ai te moni o na mea kua leva te tuhia i te Tuhi Paia. Mo he fakatakitakiga, e takua ai na matakupu fakahaienihi. Ko te lahiga o na mea e takua i na matakupu ienā e heki talitonu ki ei te tokalahiga i te taimi na tuhi ai. Kae kua fakamaonia mai e te fakahaienihi i na aho nei te moni ma te hako o na mea e leamai ai te Tuhi Paia. E “matuā lagolagoina e faavavau faavavau lava.”—Salamo 111:8.
3. Aiheā e tatau ai ona maufakatuatuagia e ki tatou na mea i te Tuhi Paia e fakatatau ki te lumanaki?
I te Tuhi Paia, e iei ai na valoaga * e folafola mai ai “mea e le’i faia.” (Isaia 46:10) Na vāloia ai ma te hako te lahi o na mea iloga i te talafakaholopito ka ko heki taitai ke tutupu. Kua fakamatala manino mai ai foki te tulaga kua iei ai te lalolagi i na aho nei. I te lehona tenei, ka ki tatou iloilo ai ni ietahi valoaga o te Tuhi Paia. E ofo koe ki te hako ma te moni o na valoaga.
HAKILIKILI ATILI
Iloilo pe vefea i te fakahaienihi i na aho nei ona fakamaonia te moni o te Tuhi Paia, ma hukehuke ietahi valoaga ofoofogia i te Tuhi Paia.
4. Kua fakamaonia e te fakahaienihi te hako o te Tuhi Paia
I na aho anamua, e tokalahi ia tagata nae talitonu ko te lalolagi e tiketike i luga o he mea. Fakaali te VITIŌ.
Mātau te manatu e takua i te tuhi o Iopu mai te 3,500 tauhaga kua teka. Faitau te Iopu 26:7, oi talanoa ai ki te fehili tenei:
-
Aiheā te ono fakatekia ai ki tatou i te fakamatalaga te ia “e leai se mea e tautau ai le lalolagi?”
Na fatoa malamalama lele ia tagata e fakatatau ki te fakatamilohaga o te huāvai, mai na tauhaga o te 1800. Kae mātau te fakamatalaga a te Tuhi Paia na tuhia pe a ma te 3,500 tauhaga kua teka. Faitau te Iopu 36:27, 28, oi talanoa ai ki na fehili ienei:
-
Aiheā e ofoofogia ai tenei fakamatalaga faigofie e fakatatau ki te fakatamilohaga o te huāvai?
-
E mafai nei e na mau ienei ona fakamalohia te maufakatuatuagia e koe o te Tuhi Paia?
5. Na valoia mai e te Tuhi Paia ni mea iloga na tutupu
Faitau te Isaia 44:27–45:2, oi talanoa ai ki te fehili tenei:
-
Ni a ni fakamatalaga na valoia mai e te Tuhi Paia i te 200 tauhaga muamua atu ka ko heki fakaumatia ia Papelonia?
Kua fakamaonia mai e te talafakaholopito, ko te tupu o Peresia e igoa kia Kuresa ma tana kautau, na ki latou fakaumatiā ia Papelonia i te 539 T.L.M. * Na ki latou fakatafe kehea te vai na hikomia ai te kakai o Papelonia. Na ulufale atu ki latou ki loto o na faitotoka e heki tapunia, ma pukea te nuku e aunoa ma te fai o he taua. Kua hili atu nei i te 2,500 tauhaga talu te fakaumatia o te kakai o Papelonia. Tatou kikila la ki na mea na valoia e te Tuhi Paia.
Faitau te Isaia 13:19, 20, oi talanoa ai te fehili tenei:
-
Na vefea ona fakataunuku te valoaga tenei e fakatatau ki Papelonia?
Na toegā mea o te kakai o Papelonia i na aho nei i Iraq
6. Na valoia mai e te Tuhi Paia na mea kua kikila ki tatou ki ei i na aho nei
Kua fakailoa mai e te Tuhi Paia ko ki tatou kua ola i na “aso e gata ai.” (2 Timoteo 3:1) Mātau na mea na valoia mai e te Tuhi Paia e fakatatau ki na aho e gata ai:
Faitau te Mataio 24:6, 7, oi talanoa ai te fehili tenei:
-
Ni a ni mea iloga na takua e te Tuhi Paia e tutupu i te taimi o te ikuga.
Faitau te 2 Timoteo 3:1-5, oi talanoa ai na fehili ienei:
-
Heā te fakamatalaga a te Tuhi Paia e fakatatau ki uiga o tagata i na aho o te ikuga?
-
Iefea o na uiga ienei kua ke kitea?
LEAMAI IETAHI TINO: “Ko te Tuhi Paia ko he tuhi o ni tala fatu ma ni tala kakai.”
-
Heā te mafuaaga kua talitonu ai koe e mafai ke maufakatuatuagia te Tuhi Paia?
OTOOTOGA
Kua fakailoa mai e na talafakaholopito, fakahaienihi, ma na valoaga e mafai ona ke maufakatuatuagia te Tuhi Paia.
Fehili Autalu
-
Pe ko te Tuhi Paia ko he tuhi o ni mea moni pe ni tala fatu?
-
Ni a ietahi vala kua fakamaonia ai e te fakahaienihi te hako o te Tuhi Paia?
-
I tau kikila, e folafola mai e te Tuhi Paia te lumanaki? Fakamatala mai.
MANATU FAKAOPOOPO
E iei ni fakamatalaga fakahaienihi i loto o te Tuhi Paia e he hako?
“Pe e Ioe le Faasaienisi i Manatu o le Tusi Paia?” (Mataupu i le jw.org)
Ni a na mea moni e fakatatau ki na “aso e gata ai”?
“Valoaga e Ono a le Tusi Paia o Loo e Vaai i le Faataunuuga” (Le Olomatamata, Me 1, 2011)
Iloilo pe na vefea ona fakataunuku na valoaga a te Tuhi Paia e fakatatau ki te Malo o Eleni.
DIloilo pe na vefea ina valoaga a te Tuhi Paia ona huia te kikila a he tamaloa e fakatatau ki te Tuhi Paia.
“Ou te Leʻi Talitonu e Iai se Atua” (Le Olomatamata Nu. 5 2017)
^ pala. 9 Ko na valoaga e aofia ai ni fekau mai te Atua e fakatatau ki na mea ka tutupu i te lumanaki.
^ pala. 25 Ko te T.L.M e uiga atu ki te “Tauhaga ka koi Lumanaki te Mehia,” ka ko te T.A. e uiga atu ki te “Tauhaga o te Aliki.”
