Ko te fehili e fakatatau ki te fuafuaga o te olaga atonu e mafai ke lāgā i ni fehili e ve ko te, Ko heā te mafuaaga kua i kinei ai ki tatou i te lalolagi? pe ko te E iei he fuafuaga mo toku olaga? Kua fakailoa mai e te Tusi Paia ko te fuafuaga mo te olaga ko te atiake o he fakauoga ma te Atua. Iloilo ni kupu moni fakavae kua fakailoa mai e te Tusi Paia

• Ko te Atua ko Te Na Faia ki tatou. Leamai te Tusi Paia: “O ia na faia i tatou, ae e lē o i tatou lava.”​ -Salamo 100:3; Faaaliga 4:11

• E iei te fuafuaga o mea uma na faia e te Atua, e aofia ai ki tatou.​ -Isaia 45:18

• Na fai ki tatou e te Atua ke naunau ki na mea fakate-agaga, e aofia ai te manakoga ke iloa te fuafuaga mo te olaga. (Mataio 5:3) E finagalo te Atua ke ki tatou fakamalie te manakoga teia.​ -Salamo 145:16

• E fakamalie to tatou manakoga fakate-agaga e ala i te atiake o he fakauōga ma te Atua. Ko te kavea ma uō a te Atua, atonu ko he manatu e faigata mo ietahi tino ke talia, kae kua fakamalohi mai te Tusi Paia: “Ia outou mafuta vavalalata atu i le Atua, ona mafuta vavalalata mai lea o ia iā te outou.”​ -Iakopo 4:8; 2:23

• Ke kavea ma uō a te Atua, e tatau ki tatou ke ola e tuha ai ma tona finagalo mo ki tatou. Kua taku mai e te Tusi Paia tona finagalo mo ki tatou i te Failauga 12:13 “Ia mataʻu i le Atua moni ma tausi i ana poloaʻiga. Auā o le matafaioi lea a tagata.”​

• I te lumanaki, ka kavekehea e te Atua na puapuagā ma foki atu te ola e fakavavau ki ana uō, ki latou e tapuaki atu ki a te ia ma olioli ai e tuha ai ma tona finagalo mai lava i te kamataga.​ -Salamo 37:10,11.