Ang serye ng mga video na Maging Kaibigan ni Jehova, na nagtatampok ng mga kanta at ng mga karakter na sina Caleb at Sophia, ay sikát na sikát na! May mga magulang at mga anak na sumulat para sabihin ang pasasalamat nila sa iba’t ibang video sa serye. Ito ang ilan sa mga sulat mula sa mga bata:

• “Salamat po sa DVD na ‘Makinig at Sumunod Upang Pagpalain Ka.’ Araw-araw ko po itong pinapanood kasama ng stuffed toy kong jaguar.”—Zach, edad 5.

• “Nalaman ko po sa bagong kanta na mahal ako ni Jehova at gusto niya na manalangin ako sa kaniya palagi.”—Mikariah, edad 6.

• “Natutuhan kong sumunod sa mga magulang ko at magligpit ng kalat ko. Salamat po sa paggawa ng video na para sa aming mga bata.”—Nicole, edad 8.

• “Maraming salamat po sa video. Na-enjoy ko po talaga. Ang saya po! Gustong-gusto ko po ito.”—Mckenzie, edad 5.

• “Gustong-gusto ko po ang mga video na Maging Kaibigan ni Jehova. Araw-araw po akong nanonood. Ang bait talaga ni Jehova kasi ipinaisip niya ito sa inyo.”—Ava, edad 8.

• “Gustong-gusto ko pong panoorin ang mga video. Kinakabisado ko po ang lahat ng kanta. Tinuturuan po ako nito na mahalin si Jehova.”—Devon, edad 4.

• “Excited na ako sa susunod na video ni Caleb! Sana ituloy n’yo lang po ang magandang ginagawa n’yo.”—Vance, edad 8.