Badiri ba pagolola ditlhare tse ba tlileng go di lema. Go lemiwa ditlhare di feta 1 400 kwa setsheng sa Warwick.

Baithaopi ba kwa Warwick ba gopola Sejo sa Morena sa Maitseboa. Go ne go na le batho ba le 384 ba ba neng ba le gone kwa tiragalong eno e Basupi ba ga Jehofa ba e ketekang ngwaga le ngwaga.

Baithaopi ba tsenya difensetere kwa hekeng e e tlileng go dirisediwa go amogela baeng, go tlhokomela lefelo le go bulela dikoloi tse di tsenang le tse di tswang.

Rre le morwawe ba tsenya dikhapete mo diofising. Go motlhofo go dirisa dikhapete tseno mo mafelong a batho ba tsamayang mo go one ka gonne ga go thata go di tsenya.

Baithaopi ba tsenya mabota a a kgaoganyang diofisi. Mabota ano a thusa gore mafapha a kgone go nna le diofisi tse di lekaneng.

Moithaopi o baakanya lefelo le matlwana a tlileng go agiwa mo go lone. Mme lefelo leo le gaufi le fa batho ba gorogelang teng.

Baithaopi ba rutiwa go tima molelo. Go ikatisa gono go thusa baithaopi bano gore ba kgone go tima molelo ka bonako fa maemo a tshoganyetso a ka tlhaga e bile ba thusa go sireletsa baagi le dikago tsa kwa Warwick. Seno se fokotsa tiro ya batimamolelo ba puso.

Mokaulengwe o bontsha badiri gore ba nne kae pele thulaganyo ya temana ya letsatsi e simolola.

Moithaopi o tsenya matshwao a a thusang baagi le baeng go itse kwa ba yang gone. Go na le matshwao a go tshwana le ano a feta 2 500 kwa Warwick.

Moithaopi o lomaganya ditshipi tse motho a itshegeletsang ka tsone fa a tlhatloga kgotsa a fologela mo ditepising tsa holo. Kobo e e mo setshwantshong seno e thusa gore ditlhase di se ka tsa tshwara molelo e bile e sireletsa kago gore e se ka ya sha.

Moithaopi o o berekang mo lefapheng la go tsenya mabota le siling o feleletsa go penta lobota lo lo yang kwa lefelo le le bontshang hisitori ya Basupi. Lefelo lengwe le lengwe le na le tsela e le rulagantsweng ka yone.

Badiri ba tsenya dilo tse di tiisang lobota lo dikoloi di tlileng go feta mo go lone. Seno se dira gore konkereite e nna thata, e se ka ya senyega ka bonako le gore e kgone go baakanngwa motlhofo.

Baithaopi ba rulela ka galase mo lefelong le baeng ba tsenang mo go lone. Seno se thusa gore go nne le lesedi le le lekaneng mo lefelong leo.

Monna le mosadi wa gagwe ba tsenya dithaele mo lefelong le baeng ba tsenang mo go lone fa ba ya kwa karolong e e bontshang Dibaebele le leina la Modimo.

Moithaopi o tsenya ditulo mo holong. Go na le ditulo di le 1 018 mo holong eo. Holo eno e tla dirisediwa go tshwara thuto ya Tora ya Tebelo le mananeo a mangwe a Baebele.

Baithaopi ba ba berekang ka dithaele le motlakase ba tsenya letshwao le le amogelang baeng.

Baithaopi ba babedi ba ipaakanyetsa go isa metsi kwa badiring ba bangwe. Baithaopi ba ba agang ba kgothalediwa go nwa metsi a mantsi ka gonne go tle go nne mogote thata kwa Warwick.

Moithaopi o baakanya lefelo le Dibaebele tse di kgethegileng di tlileng go bewa mo go lone. Mo lefelong leno, go tlile go bewa Dibaebele tse di farologaneng le didirisiwa tsa motlha wa Baebele.

Moithaopi o tsenya Australia le Southeast Asia mo mmapeng o o tlileng go bewa mo loboteng lo lo mo lefelong le baeng ba gorogelang kwa go lone. Leina la Modimo e bong Jehofa le tlhagelela ka dipuo di feta 700 mo loboteng loo.

Maloko a lelapa la Bethele a bontshiwa matshwao a a ba bontshang tsela e kago ya Warwick e leng ka yone le tsela e ba ka itshireletsang ka yone.

Baithaopi ba baakanya lefelo le mokaulengwe yo o dirang thulaganyo ya Broadcasting a tlileng go nna mo go lone. Didirisiwa tsotlhe tse ba neng ba di dirisa kwa Brooklyn di tlile go tsenngwa mo setudiong seno.

Moithaopi o tsenya letshwao le lesha kwa baeng ba tsenang gone fa ba etela dikago tsa Warwick. Fa e sa le go tloga ka September 1, mafapha a le mantsi a kwa ntlokgolong a ne a setse a simolotse tiro ya one kwa dikagong tseno tse disha.