Diane 28:1-28
28 Badirabosula ba tshaba go se na ope yo o ba lelekisang,Mme basiami ba itshepa jaaka tau.*+
2 Fa go na le botlhanogi mo nageng nngwe, dikgosana tsa yone di tla nna di busa ka go latelana,+Mme kgosana e tla busa nako e telele fa e gakololwa ke motho yo o nang le temogo le kitso.+
3 Mohumanegi yo o tsietsang batho ba maemo a a kwa tlase+O tshwana le pula e e gogolang dijalo tsotlhe.
4 Ba ba fapogang molao ba galaletsa badirabosula,Mme ba ba ikobelang molao ba a ba galefela.+
5 Batho ba ba bosula ga ba ka ke ba tlhaloganya tshiamiso,Mme ba ba senkang Jehofa ba kgona go tlhaloganya sengwe le sengwe.+
6 Mohumanegi yo o dirang ka natla gore a nne a ikanyega o botokaGo na le mohumi yo ditsela tsa gagwe di leng bosula.+
7 Morwa yo o nang le tlhaloganyo o ikobela molao,Mme yo o itsalanyang le ba ba jang bobe o tlhabisa rraagwe ditlhong.+
8 Yo o oketsang khumo ya gagwe ka morokotso+ le ka go tsadisa madiO e kokoanyetsa motho yo o utlwelang bahumanegi botlhoko.+
9 Yo o ganang go reetsa molao,Tota le thapelo ya gagwe e makgapha mo Modimong.+
10 Yo o tsietsang ba ba siameng gore ba tsamaye mo tseleng e e bosula o tla wela mo khuting e a e epileng,+Mme ba ba se nang molato ba tla nna le boswa jwa se se molemo.+
11 Motho yo o humileng o ipona a le botlhale,+Mme mohumanegi yo o nang le temogo o kgona go itse boammaaruri ka ene.+
12 Fa basiami ba fenya, go nna le boitumelo jo bogolo,Mme fa badirabosula ba nna le taolo, batho ba a iphitlha.+
13 Motho yo o fitlhang maleo a gagwe ga a kitla a atlega,+Mme yo o ipolelang maleo a gagwe a bo a a tlogela o tla utlwelwa botlhoko.+
14 Go itumela motho yo o nnang a disitse,*Mme ope fela yo o thatafatsang pelo ya gagwe o tla wela mo masetlapelong.+
15 Mmusi yo o bosula yo o busang batho ba ba sa kgoneng go itshireletsa+O tshwana le tau e e dumang le bera e e ipaakanyetsang go tlhasela.
16 Moeteledipele yo o se nang temogo o dirisa taolo ya gagwe ka tsela e e sa siamang,+Mme motho yo o tlhoileng go huma ka ditsela tse di sa siamang o tla tshela lobaka lo loleele.+
17 Motho yo o tshwenngwang ke molato wa go bo a bolaile motho, o tla nna a tshaba go fitlha a tsena mo lebitleng.*+
A motho ope a se ka a mo ema nôkeng.
18 Motho yo o tsamayang ka go tlhoka molato o tla bolokwa,+Mme motho yo ditsela tsa gagwe di sokameng o tla wa ka tshoganyetso.+
19 Motho yo o lemang tshimo ya gagwe o tla nna le dijo tse dintsi,Mme yo o lelekisang dilo tse di se nang mosola o tla welwa ke lehuma.+
20 Motho yo o ikanyegang o tla amogela masego a mantsi,+Mme yo o potlakelang go huma ga a kitla a tlhoka molato.+
21 Go tsaya letlhakore ga go a siama;+Le fa go ntse jalo, motho a ka dira se se sa siamang e le fela gore a bone thathana ya senkgwe.
22 Motho yo o pelotshetlha* o gagamalela go nna le dikhumo,A sa itse gore o tla welwa ke lehuma.
23 Ope fela yo o kgalemelang motho,+ o tla ratiwa morago ga moo+Go na le motho yo o tsietsang ka loleme lo lo borethe.
24 Ope fela yo o kgothosang rraagwe le mmaagwe a bo a re, “Ga go phoso,”+Ke molekane wa motho yo o senyang.+
25 Motho yo o bogagaru* o baka dikgaogano,Mme ope fela yo o ikanyang Jehofa o tla atlega.*+
26 Ope fela yo o ikanyang pelo ya gagwe ke sematla,+Mme yo o tsamayang ka botlhale o tla falola.+
27 Ope fela yo o abelang bahumanegi ga a kitla a tlhoka sepe,+Mme yo o tswalang matlho a gagwe fa a ba bona o tla amogela diphutso tse dintsi.
28 Fa badirabosula ba nna le taolo, motho o a iphitlha,Mme fa ba nyelela, basiami ba a oketsega.+
Dintlha Tse di Kwa Tlase
^ Kgotsa “tawana.”
^ Kgotsa “yo o nnang a boifa.”
^ Kgotsa “khuting.”
^ Kgotsa “bogagaru.”
^ Kgotsa gongwe “yo o ikgodisang.”
^ Seheb., “nontshiwa.”
