Dipesalema 66:1-20
Go mokaedi. Pesalema. Pina.
66 Goang ka boitumelo mme lo bake Modimo, lona batho botlhe ba ba mo lefatsheng.+
2 Opelelang* leina la gagwe le le galalelang dipako.
Mo galaletseng lo bo lo mmake.+
3 Rayang Modimo lo re: “Ruri ditiro tsa gago di a gakgamatsa!+
Baba ba gago ba tla ikokobetsa fa pele ga gago+Ka ntlha ya maatla a gago a magolo.
4 Batho botlhe ba lefatshe ba tla go ikobela;+Mme ba tla go opelela dipako;Ba tla opelela leina la gago dipako.”+ (Selah)
5 Tlang mme lo bone ditiro tsa Modimo.
Dilo tse a di direlang bomorwa batho di a gakgamatsa.+
6 O ne a dira gore lewatle e nne lefatshe le le omileng;+Ba ne ba kgabaganya noka ka dinao.+
Gone koo re ne ra itumela ka ntlha ya se a re diretseng sone.+
7 O busa ka maatla a gagwe ka bosakhutleng.+
Matlho a gagwe a nna a lebeletse ditšhaba.+
Ba ba tlhogoethata ga ba a tshwanela go ikgodisa.+ (Selah)
8 Bakang Modimo wa rona, lona ditšhaba,+Mme lo dire gore modumo wa go mmaka o utlwale.
9 O re boloka re tshela;+Ga a letle gore dinao tsa rona di kgopiwe.*+
10 Gonne o re tlhatlhobile, wena Modimo;+O re itshekisitse fela jaaka fa go itshekisiwa selefera.
11 O ne wa re tsenya mo letloweng la go tsoma;O ne wa baya morwalo o o boima mo go rona.*
12 O ne wa letla batho gore ba re gatake;*Re ne ra ralala molelo le metsi;Go tswa foo, o ne wa re tlisa mo lefelong le re neng ra gololesega mo go lone.
13 Ke tla tsena mo ntlong ya gago ka ditlhabelo tse di fisiwang di feletse;+Ke tla diragatsa maikano a ke a go diretseng,+
14 A ke a solofeditseng+Le a ke neng ka a bua fa ke ne ke le mo matshwenyegong.
15 Ke tla go ntshetsa ditlhabelo tse di fisiwang tsa diphologolo tse di nonnengLe mosi wa setlhabelo sa diphelefu.
Ke tla ntsha dipoo mmogo le diphoko. (Selah)
16 Tlang mme lo reetse, lona lotlhe ba lo boifang Modimo,Mme ke tla lo bolelela se a se ntiretseng.+
17 Ke ne ka goela kwa go eneE bile ke ne ka mo galaletsa.
18 Fa e le gore ke ne ke bolokile sengwe se se utlwisang botlhoko mo pelong ya me,Jehofa a ka bo a sa nkutlwa.+
19 Mme gone, Modimo o ne a nkutlwa;+O ne a reetsa thapelo ya me ka kelotlhoko.+
20 A go bakwe Modimo, yo o sa itlhokomolosang thapelo ya meKgotsa yo o sa ganang go mpontsha lorato lo lo sa kgaotseng.
Dintlha Tse di Kwa Tlase
^ Kgotsa “Letsang mmino.”
^ Kgotsa “thetheekele; reketle.”
^ Seheb., “mo dinôkeng tsa rona.”
^ Seheb., “gore ba re palame ditlhogo.”
