KA LEKGOLO la bo16 la dingwaga, kgwebo ya ditswaiso e ne ya nna le seabe se segolo thata mo ikonoming ya lefatshe fela jaaka kgwebo ya oli e e sa tlhotlhiwang e na le seabe seno gompieno. Ditswaiso tse di jaaka nutmeg le di-clove tse di tswang kwa ditlhaketlhakeng tsa ditswaiso (tse gone jaanong e leng diporofense tsa Maluku le North Maluku kwa Indonesia) di ne tsa rekwa thata kwa Yuropa.

Babatlisisi e bong Christopher Columbus, Vasco da Gama, Ferdinand Magellan, Samuel de Champlain le Henry Hudson ba ile ba batla ditsela tsa go ya kwa ditlhaketlhakeng tseno tsa ditswaiso. Go senka ditswaiso tsa kwa Indonesia go ne ga dira gore batho ba tlhaloganye popego ya lefatshe sentle.