KAROLO 14
O ka Bontsha Jang Gore o Ikanyega mo go Jehofa?
Ema mo letlhakoreng la Modimo. 1 Petere 5:6-9
Tila go nna le seabe mo dingwaong dipe fela tse di sa dumalaneng le Baebele. Go tlhokega bopelokgale gore o kgone go dira seo.
O se ka wa nna le seabe mo dikgannyeng tsa dipolotiki; di kgatlhanong le Jehofa le Bogosi jwa gagwe.
Tlhopha se se siameng—reetsa Modimo. Mathaio 7:24, 25
Ikopanye le Basupi ba ga Jehofa; ba tla go thusa go atamalana le Modimo.
Tswelela o ithuta ka Modimo mme o leke go ikobela ditaelo tsa gagwe.
Fa tumelo ya gago e setse e nonofile, o tshwanetse go neela botshelo jwa gago mo go Jehofa mme o kolobediwe.—Mathaio 28:19.
Reetsa Modimo. Bala Baebele, mme o kope Basupi ba ga Jehofa gore ba go thuse go e tlhaloganya. Go tswa foo, o dirise se o ithutang sone. Fa o dira jalo, o tla tshelela ruri.—Pesalema 37:29.
Tse Dingwe Tse O ka Di Kgatlhegelang
KA GA RONA
Kopa Thuto ya Baebele ya Mahala
Tlotlang ka potso nngwe ya Baebele kgotsa ithute mo go oketsegileng ka Basupi ba ga Jehofa.
KA GA RONA
Dipokano Tsa Basupi ba ga Jehofa
Re kopana le go obamela mmogo kae, leng le gone re dira seo jang?
