Karolo ya Audio e na le dikgatiso tsa mantswe fela tse di jaaka mmino, diterama tsa mmalo wa Baebele le tse dingwe.

(Ela tlhoko: Remote ya gago ya Siri e ka tswa e sa tshwane le e e mo sekirining seno.)

Tobetsa Audio mo JW Broadcasting go bona dikgatiso tsa mantswe fela. Latela dikgato tseno fa o batla dikgatiso tsa mantswe fela le fa o batla go di reetsa:

•  Reetsa Kgatiso ya Mantswe Fela

•  Reetsa Dikgatiso Tsotlhe Tsa Mantswe Fela

•  Di Tshameke ka Tsela e o Batlang ka Yone

Dikgatiso tsa mantswe fela di rulagantswe go ya ka maina a a farologaneng. Maina a dikgatiso tseno a tlhagelela fa godimo ga tsone.

• Swaepela kwa godimo kgotsa kwa tlase fa o batla go bona dikgatiso tse di farologaneng tsa mantswe fela.

• Swaepela ka fa molemeng kgotsa ka fa mojeng fa o batla go bona dikgatiso tse di tlhagelelang mo karolong e o e batlang. Setshwantsho sa kgatiso e o e tlhophileng se tla nna segolo go feta tse dingwe.

• Tobetsa remote fa gare fa o tlhopha kgatiso mme o batla gore leina la yone le tlhage mo sekirining.

O ka dira jaana:

• Tobetsa Play fa o batla go tshameka kgatiso go tloga kwa e simololang teng.

• Tobetsa Play All fa o batla go tshameka dikgatiso tsotlhe, go simolola ka e o setseng o e butse. Dikgatiso di tla emisa fa di sena go tshameka tsotlhe.

• Tobetsa Resume fa o batla go tshameka kgatiso go tswa kwa o neng o e emisitse teng.

Mo tlase ga karolo ya Resume, Play le Play All go na le dikgatiso tse dingwe tsa mantswe fela. Swaepela kwa tlase fa o batla go bula dikgatiso tseo tsotlhe kgotsa kwa godimo fa o batla go tswelela ka kgatiso e o e butseng.

O kgona go reetsa dikgatiso tsotlhe tse di mo karolong e o e tlhophileng. Fa o le mo sekirining sa Audio, tlhopha kgatiso e o batlang go e reetsa, go tswa foo, o ka nna wa tobetsa:

• Play All fa o batla go tshameka dikgatiso tsotlhe tse di mo karolong eo, go simolola ka ya ntlha.

• Shuffle fa o batla go tshameka kgatiso nngwe le nngwe mme gone di sa latelane.

Dikgatiso tseno di tla emisa fa di sena go tshameka tsotlhe.

Fa kgatiso e tshameka, o ka dirisa remote ya gago ya Siri go tlhopha gore e tshameke jang, o ka tlhopha go:

• Tobetsa Play kgotsa Pause fa o batla go emisa kgatiso eo. E tobetse gape fa o batla gore e tshameke.

• Swaepela ka fa molemeng fa o emisitse kgatiso mme o batla gore e boele kwa morago.

• Swaepela ka fa mojeng fa o batla gore kgatiso e ye kwa pele.

• Fa o batla gore kgatiso e ye kwa pele ka metsotswana e le lesome, tobetsa remote ka fa mojeng.

• Fa letshwao leno le tlhaga mo sekirining, tobetsa remote mo mojeng.

• Fa o batla gore bidio e boele morago ka metsotswana e le lesome, tobetsa remote ka fa molemeng.

• Fa letshwao leno le tlhaga kwa tlase mo sekirining, tobetsa remote ka fa molemeng.

• Tobetsa Menu fa o batla go boela kwa bidiong o e neng o e tshameka.