Talanoa Fakatohitapu mahuʻinga:

• Sēn. 3:​1-6—ʻOku tō ʻa ʻIvi ʻi he fakatauelé kae ʻikai ke ne talitekeʻi ia

• Sios. 7:​1, 4, 5, 20-25—ʻI he talangataʻa ʻa ʻĀkani kia Sihová, ʻoku faingataʻaʻia ai ʻa e tokolahi koeʻuhi ko ʻene angahalá

Talanoa Fakatohitapu mahuʻinga:

• Sēn. 39:​7-12—ʻOku talitekeʻi ʻe Siosifa ʻa e ngaahi fakatauele mei he uaifi ʻo Pōtifá

• Siope 31:​1, 9-11—ʻOku fakapapauʻi ʻe Siope ke ʻoua te ne fakahaaʻi ha tokanga taʻetotonu ki ha fefine ʻoku ʻikai ko hono uaifí

• Māt. 4:​1-11—ʻOku talitekeʻi ʻe Sīsū ʻa e ʻahiʻahi ʻa Sētané

Talanoa Fakatohitapu mahuʻinga:

• Ngā. 10:​1-7—Neongo ko Koliniusí ko ha Senitaile, ʻoku fakatokangaʻi ʻe Sihova ko ha tangata mamahiʻi-lotu ia, manavahē-ʻOtua mo nima-homo

• 1 Tīm. 3:16—ʻOku fokotuʻu ʻe Sīsū ʻa e faʻifaʻitakiʻanga lelei taha ʻo e anga-līʻoa fakaʻotuá

Talanoa Fakatohitapu mahuʻinga:

• Sēn. 39:​4-12—ʻOku nofoʻaki anga-maʻa ʻa Siosifa neongo ʻa e toutou feinga ʻa e uaifi ʻo Pōtifá ke ne fakataueleʻi iá

• Hiva. 4:12; 8:6—ʻOku mateaki ʻa e taʻahine Sūlemí ki he tangata ʻokú ne ʻofa aí, pea ʻokú ne nofo anga-maʻa ai pē; ʻokú ne hangē ha ngoue kuo lokaʻí

Talanoa Fakatohitapu mahuʻinga:

• Tan. 1:​3-5, 8-20—Ko e palōfita ko Tanielá mo hono kaungāmeʻa ʻe toko tolú ʻoku nau tuʻu maʻu fekauʻaki mo e ngaahi fakataputapui ki he meʻakaí ʻi he Lao ʻa Mōsesé

• Luke 21:​1-4—ʻOku vakai ʻa Sīsū ki he tokoni siʻisiʻi naʻe fai ʻe ha uitou ko ha fakamoʻoni ʻo e tui lahi

Talanoa Fakatohitapu mahuʻinga:

• 1 Sām. 23:​15-18—ʻOku fakalototoʻaʻi ʻe Sionatane ʻa Tēvita, ʻa ia ko e tāketi tefito ʻo e fakatanga ʻa Tuʻi Saulá

• Ngā. 15:​22-31—ʻOku ʻave ʻe he kulupu pule ʻi he ʻuluaki senitulí ha tohi fakafou ʻi ha kau fakafofonga fefonongaʻaki, ʻo iku ai ki ha fakalototoʻa

 Talanoa Fakatohitapu mahuʻinga:

• Luke 22:​40-43—ʻOku fokotuʻu ʻe Sīsū ʻa e faʻifaʻitakiʻanga ki he fakamoʻulaloa ki he finangalo ʻo ʻene Tamaí naʻa mo e ʻi he taimi ʻoku mātuʻaki faingataʻa ai ke fai peheé

• 1 Pita 3:​1-6—ʻOku ngāueʻaki ʻe he ʻapositolo ko Pitá ʻa Sela ko ha faʻifaʻitakiʻanga ʻo e anganofó ke muimui ki ai ʻa e ngaahi uaifi Kalisitiané

Talanoa Fakatohitapu mahuʻinga:

• Nōm. 14:​1-4, 11—ʻOku fakahāhā ʻe he kau ʻIsilelí ʻa e taʻefakaʻapaʻapa ki he palōfita ko Mōsesé mo e Taulaʻeiki Lahi ko ʻĒloné, ʻa ia ʻoku vakai ki ai ʻa Sihova ko e taʻefakaʻapaʻapa ange kiate ia

• Māt. 21:​33-41—ʻOku ngāueʻaki ʻe Sīsū ha talanoa fakatātā ke fakahaaʻi ʻa e meʻa ʻe hoko ki he faʻahinga ʻoku nau taʻefakaʻapaʻapaʻi ʻa e kau palōfita ʻa Sihová mo Hono ʻAló

Talanoa Fakatohitapu mahuʻinga:

• Hep. 12:​1-3—ʻOku fakalototoʻaʻi ʻe he ʻapositolo ko Paulá ʻa e kau Kalisitiané ke nau kātaki, ʻo lave ki he faʻifaʻitakiʻanga ʻa Sīsuú

• Sēm. 5:​10, 11—ʻOku lave ʻa Sēmisi ki he faʻifaʻitakiʻanga ʻa Siope ʻo e kātakí pea mo hono fakapaleʻi ia ʻe Sihová

Talanoa Fakatohitapu mahuʻinga:

• Saame 45:2—ʻOku tōmuʻa tala ʻi ha kikite fekauʻaki mo e Mīsaiá ko e Tuʻi fakanofo ʻa Sihová ʻe tafe mei hono loungutú ha lea lelei

• Luke 4:22—ʻOku tohoakiʻi ʻe Sīsū ʻa e kakaí kiate ia ʻaki ʻene ngaahi lea mālié

Talanoa Fakatohitapu mahuʻinga:

• Nehe. 5:​14-19—Ko e manavahē ʻa Kōvana Nehemaia kia Sihová ʻokú ne taʻofi ia mei hono ngāuekākāʻaki ʻa e kakai ʻa e ʻOtuá ʻo hangē ko e ngaahi kōvana kehé

• Hep. 5:​7, 8—ʻOku fokotuʻu ʻe Sīsū ʻa e faʻifaʻitakiʻanga ʻi hono fakahāhā ʻa e manavahē-ʻOtuá

Talanoa Fakatohitapu mahuʻinga:

• 1 Kal. 25:​1-8—ʻOku fokotuʻutuʻu ʻe Tuʻi Tēvita ha kau hiva mo ha kau mūsika ki he ngāue toputapú, ʻa ia ʻoku makatuʻunga ʻi he ngāue fetakinimá

• Nehe. 3:​1, 2, 8, 9, 12; 4:​6-8, 14-18, 22, 23; 5:16; 6:15—ʻOku tāpuakiʻi ʻe Sihova ʻene kakaí koeʻuhi ko ʻenau maʻu ʻa e laumālie fāitahá, ko ia ʻoku nau toe langa ʻa e ʻā ʻo Selusalemá ʻi he ʻaho pē ʻe 52

Talanoa Fakatohitapu mahuʻinga:

• Hep. 11:​8-10—ʻOku nofo ʻa ʻĒpalahame ʻi ha ngaahi tēniti ko ha muli koeʻuhí ʻoku moʻoni kiate ia ʻa e Puleʻanga ʻo e ʻOtuá

• Hep. 11:​24-27—ʻOku fakapapauʻi ʻe he palōfita ko Mōsesé ke tuli ki ha ʻalunga moʻui ʻo fakahaaʻi mai ai ʻo hangē ʻoku lava ke ne sio kia Sihová