25:9, 21, 22

Ko e ‘A‘aké ‘a e me‘a mahu‘inga taha ‘o e tāpanekalé mo e feitu‘u na‘e ‘i ai ‘a e kau ‘Isilelí. Na‘e fakafofonga‘i ‘e he konga ‘aó ‘a e ‘i ai ‘a e ‘Otuá, ‘a ia na‘e ‘i he vaha‘a ‘o e ongo selupimí ‘i he funga tāpuni ‘o e fakatupuhōifua‘anga ‘o e ‘A‘aké. ‘I he ta‘u kotoa pē ‘o e ‘Aho ‘o e ‘Ufi‘ufi Angahalá na‘e hū ai ‘a e taula‘eiki lahí ki he Potu Fungani Toputapú pea afuhi ‘a e toto ‘o ha pulu mo ha kosi ‘i mu‘a ‘i he tāpuní ke ‘ufi‘ufi ‘a e ngaahi angahala ‘o e kau ‘Isilelí. (Liv. 16:14, 15) Na‘e fakatātā‘i eni ‘a e hū ‘a Sīsū ko e Taula‘eiki Lahi angé ki he ‘ao tonu ‘o Sihová ‘i hēvani ke ‘oatu ‘a e mahu‘inga ‘o ‘ene feilaulau huhu‘í.​—Hep. 9:24-26.

Fakahoa ‘a e ngaahi konga Tohi Tapú mo e ngaahi ‘aonga te tau ma‘u koe‘uhi ko e huhu‘í:

• 1 Sione 1:8, 9

• Hep. 9:13, 14

• Loma 6:23

• ‘amanaki ‘o e mo‘ui ta‘engatá

• fakamolemole‘i ‘o e ngaahi angahalá

• konisēnisi ma‘a

Ko e hā kuo pau ke tau faí ke ma‘u ‘a e ngaahi ‘aonga ko ení?