“‘E ‘Ikai Manatua ‘a e ‘Uluaki, . . .  ‘E ‘Ikai Te Nau Hake ‘i he Loto ‘o ha Taha”

Kuo fakae‘a ‘e hotau Tokotaha-Fakatupú ‘a e me‘a te ne fai ‘i he kaha‘u ofi maí. ‘Okú ne fakahaa‘i:

“Vakai, ‘oku ou fakatupu ha ngaahi langi fo‘ou mo ha fonua fo‘ou: pea ‘e ‘ikai manatua ‘a e ‘uluaki, pea ‘e ‘ikai te nau hake ‘i he loto ‘o ha taha.”—‘AISEA 65:17.

Ko e hā ‘a e “‘uluaki” ‘e ‘ikai te nau “hake ‘i he loto ‘o ha tahá”? ‘Oku fakahaa‘i ‘i he potutohí ko e fakamaau ta‘etotonu, puke, faingata‘a‘ia, mo e ngaahi me‘a fakamamahi lahi kehe ‘okú ne fakamamahi‘i ‘a e fa‘ahinga ‘o e tangatá. ‘E ngata fēfē ‘a e ngaahi me‘a fakamamahi ko iá? Ko e fakapulipulí ‘oku ‘i he “ngaahi langi fo‘ou” mo e “fonua fo‘ou” ‘a ia ne tomu‘a talá.

Ko e kupu‘i lea mālie ko iá mo hono ‘uhingá ‘e fakamatala‘i ia ‘i he malanga ma‘á e kakaí “‘E ‘Ikai Manatua ‘a e ‘Uluaki, pea ‘e ‘Ikai Te Nau Hake ‘i he Loto ‘o ha Taha.” Ko e malangá ‘e fakahoko ia ‘i he ngaahi Fakataha-Lahi Fakavahe “Lama Ho Lotó!” ‘a e Kau Fakamo‘oni ‘a Sihová, ‘e kamata ‘i Mē ‘i ‘Amelika pea hokohoko atu ai takatakai ‘i he māmaní.

‘Oku fakaafe‘i loto-māfana atu koe ke ke ma‘u ‘a e fakataha-lahi ofi taha kiate koé. Ki ha ngaahi fakaikiiki pau, kātaki ‘o fetu‘utaki ki he Kau Fakamo‘oni ‘a Sihova ‘i ho feitu‘ú pe tohi ki he kau faipulusi ‘o e makasini ko ení. Ko e Uepisaiti www.mr1310.com ‘oku fakahokohoko atu ai ‘a e ngaahi feitu‘u fai‘anga fakataha-lahí ‘i ‘Aositelēlia, Nu‘u Sila, mo e ‘Otu Motu ‘i he Pasifikí.