Saame 26:1-12
Saame ʻa Tēvita.
26 Fakamāuʻi au, ʻe Sihova, he kuó u ʻaʻeva ʻi heʻeku anga-tonú;+Kuó u falala kia Sihova ʻo ʻikai toe ueʻia.+
2 Vakaiʻi au, ʻe Sihova, pea siviʻi au;Sivi ʻa ʻeku ngaahi fakakaukau lolotó* pea mo hoku lotó.+
3 He ko hoʻo ʻofa mateakí ʻoku ʻi muʻa maʻu pē ʻiate au,Pea ʻoku ou ʻaʻeva ʻi hoʻo moʻoní.+
4 ʻOku ʻikai te u feohi* mo e kau tangata kākaá,+Pea ʻoku ou fakaʻehiʻehi mei he faʻahinga ʻoku nau fufū honau tuʻunga totonú.*
5 ʻOku ou fehiʻa ʻi he kau tangata koví,+Pea ʻoku ou fakafisi ke feohi* mo e kau fulikivanú.+
6 Te u fanofano ʻi he taʻehalaia,Pea te u laka takai ʻi ho ʻōlitá, ʻe Sihova,
7 Ke ʻai ʻa e leʻo ʻo e fakamāloó ke fanongoa+Pea ke talaki ʻa e kotoa ʻo hoʻo ngaahi ngāue fakaofó.
8 ʻE Sihova, ʻoku ou ʻofa ʻi he fale ʻokú ke ʻafio aí,+ʻA e feituʻu ʻoku nofo ai ho lāngilangí.+
9 ʻOua naʻá ke tafiʻi au fakataha mo e kau angahalá+Pe toʻo ʻeku moʻuí fakataha mo e kau tangata fakamālohí,*
10 ʻOku fai ʻe honau nimá ʻa e tōʻonga fakamā,Pea ko honau nima toʻomataʻú ʻoku fonu ʻi he totongi fufū.
11 Ka ko au, te u ʻaʻeva ʻi heʻeku anga-tonú.
Fakahaofi ange* au pea fakahaaʻi mai ʻa e hōifua.
12 ʻOku tuʻu hoku vaʻé ʻi he kelekele tokalelei;+ʻI he fuʻu fakatahaʻangá,* te u fakahīkihikiʻi ai ʻa Sihova.+
Fakamatala ‘i Lalo
^ Pe “ngaahi ongoʻi lolotó.” Fakafoʻilea, “hoku kofuuá.”
^ Fakafoʻilea, “tangutu.”
^ Pe “ʻOku ʻikai te u feʻao mo e kau mālualoí.”
^ Fakafoʻilea, “tangutu.”
^ Pe “kau tangata lingitotó.”
^ Fakafoʻilea, “Huhuʻi.”
^ Fakafoʻilea, “ʻI he ngaahi fuʻu fakatahá.”
