Saame 82:1-8
Ko e hiva ʻa ʻĒsafe.+
82 ʻOku ʻafio ʻa e ʻOtuá ʻi he fuʻu fakataha fakaʻotuá;+ʻOkú ne fakamaau ʻi he lotolotonga ʻo e ngaahi ʻotuá:*+
2 “Ko e hā hono fuoloa ʻo e hokohoko atu hoʻomou fakamaau taʻetotonú+Pea fakahāhā ʻa e filifilimānako ki he kau fulikivanú?+ (Sila)
3 Taukapoʻi* ʻa e māʻulaló pea mo e tamai-maté.+
Fakahoko ʻa e fakamaau totonu ki he tokotaha ʻoku ʻikai hano tokoní mo e liʻekiná.+
4 Fakahaofi ʻa e māʻulaló mo e masivá;Fakahaofi kinautolu mei he nima ʻo e kau fulikivanú.”
5 ʻOku ʻikai te nau ʻiloʻi, pea ʻoku ʻikai te nau mahinoʻi;+ʻOku nau ʻalu holo ʻi he fakapoʻulí;Ko e ngaahi makatuʻunga kotoa ʻo e māmaní ʻoku ngalulu.+
6 “Kuó u pehē, ‘Ko e ngaahi ʻotua* kimoutolu,+Ko kimoutolú kotoa ko e ngaahi foha ʻo e Fungani Māʻolungá.
7 Ka te mou mate ʻo hangē pē ko e kau tangatá;+Pea ʻi he hangē ko ha toe houʻeiki pē, te mou tō!’”+
8 Ke ke mālanga hake, ʻe ʻOtua, ʻo fakamāuʻi ʻa e māmaní,+He ʻoku ʻaʻau ʻa e ngaahi puleʻangá kotoa.
Fakamatala ‘i Lalo
^ Pe “faʻahinga hangē ha ʻotuá.”
^ Pe “Fakamāuʻi.”
^ Pe “faʻahinga hangē ha ʻotuá.”
