Siope 42:1-17
42 Naʻe tali ange leva ʻe Siope kia Sihova ʻo pehē:
2 “ʻOku ou ʻilo eni ʻokú ke malava ke fai ʻa e meʻa kotoa pēPea ʻoku ʻikai ha meʻa ʻokú ke finangalo ke fai ʻe taʻemalava kiate koe.+
3 Naʻá ke folofola, ‘Ko hai eni ʻokú ne fakaʻuliʻulilātaiʻi ʻa ʻeku tuʻutuʻuní ʻi he taʻeʻiló?’+
Ko ia ai, naʻá ku lea, ka naʻe ʻikai te u maʻu ʻa e mahinóFekauʻaki mo e ngaahi meʻa ʻoku fuʻu fakaofo kiate au, ʻa ia ʻoku ʻikai te u ʻilo ki ai.+
4 Naʻá ke folofola mai, ‘Kātaki ʻo fanongo, pea te u lea atu.
Te u fehuʻi atu, peá ke fakamatala mai kiate au.’+
5 Kuo fanongo ʻa hoku telingá ʻo fekauʻaki mo koe,Ka ʻi he taimi ní ʻoku ou sio kiate koe ʻaki hoku matá.
6 Ko e ʻuhinga ia ʻoku ou fakafoki ai ʻa e meʻa naʻá ku leaʻakí,*+Pea ʻoku ou fakatomala ʻi he efu mo e efuefu.”+
7 Hili ʻa e folofolaʻaki ʻe Sihova ʻa e ngaahi leá ni kia Siopé, naʻe folofola ʻa Sihova kia ʻElifasi mei Tīmaní:
“ʻOku kakaha ʻeku ʻitá kiate koe pea mo ho ongo kaungāmeʻá,+ he kuo ʻikai te mou leaʻaki ʻa e moʻoni fekauʻaki mo aú+ ʻo hangē ko ʻeku sevāniti ko Siopé.
8 Ko ia, mou toʻo ha pulu tangata ʻe fitu mo ha sipi tangata ʻe fitu pea mou ō ki heʻeku sevāniti ko Siopé, pea ʻohake ha feilaulau tutu maʻamoutolu. Pea ko ʻeku sevāniti ko Siopé te ne lotu maʻamoutolu.+ Ko e moʻoni te u tali ʻene kolé* ke ʻoua te u fakafeangai kiate kimoutolu ʻo fakatatau ki hoʻomou valé, he kuo ʻikai te mou leaʻaki ʻa e moʻoni fekauʻaki mo aú ʻo hangē ko ʻeku sevāniti ko Siopé.”
9 Ko ia naʻe ʻalu ʻa ʻElifasi mei Tīmaní, mo Pilitati mei Suaʻá, pea mo Sofaʻā mei Naʻamá ʻo nau fai ʻa e meʻa naʻe tala ʻe Sihova kiate kinautolu ke nau faí. Pea naʻe tali ʻe Sihova ʻa e lotu ʻa Siopé.
10 ʻI he hili ʻa e lotu ʻa Siope maʻa hono ngaahi kaungāmeʻá,+ naʻe toʻo ʻe Sihova ʻa e faingataʻa+ naʻe ʻia Siopé pea toe fakafoki kiate ia ʻa ʻene lakalakaimonuú.* Naʻe ʻoange ʻe Sihova kiate ia ʻo liunga ua ʻa e meʻa naʻá ne maʻu ki muʻá.+
11 Ko e kotoa ʻo hono fanga tokouá mo hono fanga tuofāfiné pea mo e kotoa ʻo hono ngaahi kaungāmeʻa+ ki muʻá naʻa nau haʻu kiate ia pea nau kai fakataha mo ia ʻi hono falé. Naʻa nau fakahaaʻi ʻa e kaungāongoʻi kiate ia mo fakafiemālieʻi ia ʻi he kotoa ʻo e faingataʻa naʻe fakaʻatā ʻe Sihova ke hoko kiate iá. Naʻe ʻoange ʻe he tokotaha taki taha ʻo kinautolu kiate ia ha meʻaʻofa paʻanga mo ha mama koula.
12 Ko ia naʻe tāpuakiʻi ʻe Sihova ʻa e konga ki mui ʻo e moʻui ʻa Siopé ʻo lahi ange ia ʻi he kamataʻangá,+ pea naʻe maʻu ʻe Siope ha fanga sipi ʻe 14,000, fanga kāmeli ʻe 6,000, hoaʻi pulu ʻe 1,000, pea mo e fanga ʻasi fefine ʻe 1,000.+
13 Naʻá ne toe maʻu foki ha toe ngaahi foha ʻe toko fitu mo ha toe ngaahi ʻofefine ʻe toko tolu.+
14 Naʻá ne fakahingoa ʻa hono ʻuluaki ʻofefiné ko Simaima, ko hono uá ko Kesaia, pea ko hono tolú ko Kēleni-hapuka.
15 Naʻe ʻikai ha kakai fefine ʻi he kotoa ʻo e fonuá naʻe fakaʻofoʻofa ʻo hangē ko e ngaahi ʻofefine ʻo Siopé, pea naʻe ʻoange ʻe heʻenau tamaí kiate kinautolu ha tofiʻa fakataha mo honau fanga tuongaʻané.
16 ʻI he hili ʻa e meʻá ni, naʻe moʻui atu ʻa Siope ʻi he taʻu ʻe 140, pea naʻá ne sio ki heʻene fānaú mo hono fanga makapuná—ko e toʻutangata ʻe fā.
17 Naʻe faifai atu pē ʻo mate ʻa Siope ʻi he hili ia ʻene moʻui fuoloa mo fiemālie.*
Fakamatala ‘i Lalo
^ Pe “fakafoki ai ʻeku leá.”
^ Fakafoʻilea, “Ko e moʻoni te u hiki hake hono fofongá.”
^ Fakafoʻilea, “naʻe fetongi ʻe Sihova ʻa e pōpula ʻa Siopé.”
^ Fakafoʻilea, “kuo motuʻa pea kakato hono ngaahi ʻahó.”
