Masalimo 96:1-13
96 Mbiyani Yehova sumu yifya.+
Mbiyani Yehova, yimwi mosi muja pacharu chapasi!+
2 Mbiyani Yehova; thamikani zina laki.
Pharazgani uthenga wamampha wa utaski waki zuŵa lelosi.+
3 Pharazgani unkhankhu waki pakati pa mitundu,Kweniso ntchitu zaki zakuziziswa pakati pa ŵanthu wosi.+
4 Yehova ndi mukulu kweniso ngwakwenere kumuthamika.
Iyu ngwakuchitiska mantha ukongwa kuluska achiuta anyaki wosi.
5 Achiuta wosi a mitundu ya ŵanthu mbambula fundu,+Kweni Yehova ndiyu wakupanga kuchanya.+
6 Ulemu ndi unkhankhu ve pa masu paki;+Mumalu ngaki ngakupaturika mwe nthazi ndipuso kutowa.+
7 Perekani kwaku Yehova vo vitimuyenere, yimwi mabanja nga ŵanthu,Perekani kwaku Yehova vo vitimuyenere, chifukwa cha unkhankhu waki kweniso nthazi zaki.+
8 Perekani kwaku Yehova unkhankhu wakwenere zina laki;+Pingani mphasu ndipu muzi mumabalaza ngaki.
9 Jikamiyani* Yehova mwavwala vakuvwala vakupaturika;*Njekemiyani pa masu paki, yimwi mosi muja pacharu chapasi!
10 Pharazgani pakati pa mitundu kuti: “Yehova waja Fumu!+
Charu chapasi chikujalikiskika mwakukho, chinganderezeka* cha.
Iyu wayeruzgengi ŵanthu mwaurunji.”+
11 Kuchanya kukondwi, ndipu charu chapasi chisekere;Nyanja yiwurumi limoza ndi vosi vo ve mwenimo;+
12 Mtunda ndi vosi vo ve mwenimo vikondwi.+
Vimiti vosi va muthundu navu vidanirizi mwakukondwa+
13 Pa masu paku Yehova, pakuti iyu watuza,*Iyu watuza kuziyeruzga charu chapasi.
Wazamuyeruzga charu chosi mwaurunji+Kweniso wazamuyeruzga ŵanthu wosi mwakugomezgeka.+
Mazu Ngam'mphata
^ Pamwenga kuti, “Sopani.”
^ Yapa pangafwatulikiya so kuti, “chifukwa cha unkhankhu wa kupaturika kwaki.”
^ Pamwenga kuti, “chingandengandenga.”
^ Pamwenga kuti, “waza.”
