Mika 1:1-16
1 Yanga ndi mazu ngo Yehova wangukambiya Mika*+ wa ku Moresheti, mu mazuŵa ngaku Yotamu,+ Ahazi+ kweniso Hezekiya,+ mafumu nga ku Yuda,+ ndipuso ngo wangumukambiya mu chiwona chakukwaskana ndi Samariya kweniso Yerusalemu:
2 “Vwani, yimwi mwaŵanthu mosi!
Vwisiya, yiwi charu chapasi ndi vosi vo ve mwaku yiwi,Yehova, Ambuya Fumu Yikulu waje kaboni wakukususkani,+Yehova waje kaboni kutuliya munyumba yaki yakusopiyamu yakupaturika.
3 Pakuti awonani! Yehova watuwaku kumalu ngaki;Wasikengi ndi kukandakanda pamalu ngapachanya nga charu chapasi.
4 Mapiri ngazamusongonoka pasi paki,+Ndipu madambu ngazamugaŵikana*Nge phula pafupi ndi motu,Nge maji ngo angapunguliya pamalu ngakusendemuka.
5 Vosi venivi vazamuchitika chifukwa cha kugaruka kwaku Yakobe,Chifukwa cha ubudi wa nyumba yaku Isirayeli.+
Ndiyani yo wachitiska kuti Yakobe wagaruki?
Asi ndi Samariya?+
Kumbi malu ngapachanya nga ku Yuda ndi nanga?+
Asi ndi Yerusalemu?
6 Samariya ndazakumusambusa ndundu ya mahami ngamudondu,Malu ngakulimaku minda ya mphereska;Mya yaki ndazakuyiponya* mudambu,Ndipu ndazamufukuwa mafawundeshoni ngaki.
7 Vikozgu vaki vosi vakujoba vazamuvikitika,+Ndipu mphasu zosi zo wangulonde zazamuwotcheka* ndi motu.+
Ndazamukuswa angoza ŵaki wosi.
Pakuti wanguŵasaniya kutuliya pa malipiru nga uhuli,Ndipu angoza wo azamukuŵa so malipiru nga mahuli kunyaki.”
8 Chifukwa cha venivi ndazamutenje ndi kubangula;+Ndazamukwenda nyawu kweniso nkhuli.+
Ndazamutenje nge akambwi,Ndipu ndazamuliya nge nthiŵatiŵa.
9 Pakuti chilonda chaki chingachizgika cha;+Chilonda cho chafika mpaka ku Yuda.+
Mulili wasapaliya kugeti la ŵanthu ŵangu, ku Yerusalemu.+
10 “Mungapharazganga cha venivi ku Gati;Mungaliyanga cha chinanga nkhamanavi.
Mukunkhuluki mufuvu ku Beti-afira.*
11 Yimwi ŵanthu a ku Shafiri, yambukani mwe nkhuli kweniso mwalengeseka.
Ŵanthu a ku Zanani atuwa cha.
Ku Beti-ezeli kwazamukuŵa kutenje, ndipu Beti-ezeli wazamuleka kukuwovyani.
12 Pakuti ŵanthu a ku Maroti alindizga vinthu vamampha,Kweni Yehova wawisiya vinthu viheni pageti la Yerusalemu.
13 Mangani magaleta ku gulu la mahachi, yimwi ŵanthu a ku Lakishi.+
Yimwi ndimwi munguchitiska kuti mwana munthukazi wa ku Ziyoni wabudi,Pakuti kugaruka kwaku Isirayeli kungusanirika mwaku yiwi.+
14 Sonu yiwi wazamupereka mphasu kwaku Moresheti-gati uchilayirana nayu.
Nyumba za ku Akizibu+ zingupusika mafumu nga ku Isirayeli.
15 Ndazakukutumiyani munthu yo wazakukuthereskani,*+ yimwi ŵanthu a ku Maresha.+
Unkhankhu waku Isirayeli wazamufika ku Adulamu.+
16 Jimeteni phala kweniso sengani sisi linu chifukwa cha ŵana ŵinu akwanjiwa.
Jimeteni phala kuti muŵi nge nombu,Pakuti ŵana ŵinu atoleka kwaku yimwi ndipu aluta nawu ku ukapolu.”+
Mazu Ngam'mphata
^ Ili ndi zina lakudumuwa lakutuliya ku zina lakuti Mikayeli pamwenga Mikaya, ndipu ling’anamuwa kuti, “Ndiyani yo Wayanana ndi Yehova?”
^ Pamwenga kuti, “vidika vazamugaŵikana.”
^ Mazu ngaki chayingu, “ndazakuyipunguliya.”
^ Pamwenga kuti, “malipiru ngosi nga uhuli waki ngazamuwotcheka.”
^ Pamwenga kuti, “munyumba yaku Afira.”
^ Pamwenga kuti, “wazakukulondani vinthu.”
