Mulembi wa Wupu wa United Nations, António Guterres wangukamba kuti: “Sonu ndi nyengu yakuti nkhondu zingachitikanga ukongwa cha kweniso zingawofyanga ukongwa cha. Sonu jalidu lakujiko ndakhumbika ukongwa.” Iyu wangukamba ivi chifukwa cha vo vinguchitika pa Chisulu 13 April , 2024 po charu cha Iran chikuyukiya charu cha Israel.

 Nkhondu zo zichitika ku Middle East ntchakuyeruzgiyapu cha vinthu vo vichitika pacharu chosi.

 Pa 26 January 2023 Wupu wa United Nations Security Council ungukamba kuti: “Kutuliya waka po Nkhondu Yachiŵi ya Pacharu Chosi yinguchitikiya, pacharu pachitika nkhondu zinandi ndipu ŵanthu pafufupi 2 biliyoni akwaskika. Chiŵerengeru ichi chilongo kuti munthu yumoza pa ŵanthu anayi ndiwu asuzgika.”

 Vigaŵa vo Kuchitika nkhondu visazgapu Israel, Gaza, Syria, Azerbaijan, Ukraine, Sudan, Ethiopia, Niger, Myanmar ndi Haiti. a

 Kumbi nkhondu zazamumala zuŵanji? Kumbi alongozgi a charu angazisa chimangu? Kumbi Bayibolu likambanji?

 Nkhondu zo zichitika pasonu panu zilongore limu kuti umaliru wepafupi. Nkhondu zenizi zifiska uchimi wa mu Bayibolu wakukwaskana ndi nyengu yo tijamu. Bayibolu likamba nyengu zenizi kuti “kumala kwa nyengu yinu.”—Mateyu 24:3.

•   Mtundu wazamuyukiyana ndi mtundu unyaki, ufumu ndi ufumu unyaki.”—Mateyu 24:6, 7.

 Kuti muwoni mo nkhondu za mazuŵa nganu zifiskiya uchimi wa mu Bayibolu ŵerengani nkhani ya mutu wakuti “Kumbi ndi Vinthu Wuli vo Vilongo Kuti Tija mu “Mazuŵa Ngakumaliya” Pamwenga ‘Nyengu za Umaliru’?”.

 Bayibolu likambiya limu nyengu yo nkhondu zazamumaliya. Kumbi venivi vazamuchitika wuli? Venivi vazamuchitika ndi nthazi za munthu cha kweni ndi Aramagedoni “nkhondu ya zuŵa likulu laku Chiuta Wanthazizosi.” (Chivumbuzi 16:14, 16) Nkhondu yeniyi yazamuchitiska kuti Chiuta wafiski layizgu laki lakuti ŵanthu azikondwi ndi chimangu kwa muyaya.—Masalimo 37:10, 11, 29.

 Kuti musambiri vinandi mo Chiuta wazamumalisiya nkhondu, ŵerengani nkhani ya mutu wakuti “Kumbi Nkhondu ya Aramagedoni ndi Nkhondu Wuli?”