Bakamboni baJehova balazilemeka mfulumende azintu nziibelesya kuti izibikane. Tulakulemeka kusala kwabamwi nibasala kusekelela mazuba akulemeka beendelezi naakuti masooja, kusekelela lwaangunuko lwanyika, kusaluta fuleegi naakuti kwiimba lwiimbo lwanyika.

 Nikuba boobo, Bakamboni baJehova tabasekeleli mapobwe aayo nkaambo akazyania anjiisyo zyamuBbayibbili nzitusyoma. Tulabotelwa kuti bamwi balemeka kusala kwesu mbuli mbutulemeka kusala kwabo.

Zili muchiiyo eechino

•  Ngaali malayilile amuBbayibbili ngitubelesya munkani eeyi?

•  Tuchita biyeni kuti kusekelela mapobwe aaya kakuli mulawu ubikkidwe aamfulumende?

•  Bakamboni baJehova baleezya na kunjila muli zyapolitikisi naa kwiiminina zyeelelo zyabantu?

 Malayilile aamuBbayibbili aatobela alatugwasya nitusala zyakuchita:

•   NguLeza luzutu weelede kukombwa. Bbayibbili lyaamba kuti: “NguJehova Leza wako nguyelede kukomba alubo nguwe alikke nguyelede kubelekela mulimu uusalala.” (Lukka 4:8) Lwiimbo lwanyika chiindi chiingi nga luswaanizya makani aakuti muntu unoolyabide kunyika yakwe alubo akwiiyanda kwiinda kufwumbwa chimwi chintu. Nzizyo zipa kuti Bakamboni baJehova bataliswaaanizyi mumapobwe aaya.

   Bakamboni baJehova babona kuti kusaluta fuleegi kweendelana akukomba mituni, Bbayibbili lilakasya kuchita oobo. (1 Bakkorinte 10:14) Bamwi basikulemba makani azyakachitika chiindi baamba kuti kusaluta fuleegi njiimwi nzila yakukomba. Sikulemba makani azyakachitika chiindi, Carlton J. H. Hayes a wakalemba kuti: “Politikisi iili mbuli cheechi oomo basicheechi batondeezya lusyoomo lwabo kwiinda mukubelesya fuleegi.” Kaambuula atala amaKkristu bachiindi, mulembi Daniel P. Mannix wakalemba kuti: “MaKkristu bakali kukaka . . . kupa zipayizyo kubapati-pati bamaRoma aabo bakali kubonwa mbuli ngilozi—eezi ziyanda kweendelana akukaka kusaluta fuleegi nkubachita mazubaano.” b

  Nikuba kuti Bakamboni baJehova tabasaluti fuleegi, tabachiti zintu zitondeezya kutalemeka fuleegi.

•   Bantu boonse balayandikana kuli Leza. (Milimu 10:34, 35) Bbayibbili lyaamba kuti Leza “wakalenga muntu uumwi, ooko bantu bazisi zyoonse bakkala aanyika nkubakazwa.” (Milimu 17:26) Akaambo kazeezi, Bakamboni baJehova basyoma kuti taakwe musyobo naakuti bantu bachimwi chisi basumpukide kwiinda bamwi. Tulemeka bantu bamisyobo yoonse, kazitakwe ndaba ankubazwa naakuti nkubakkala.—1 Petro 2:17.

 Bakamboni baJehova tabakazyani naakuti kubukila mfulumende. Tusyoma kuti mfulumende eezi mpuzili akaambo ‘kamabambe aaLeza’ ooyo wakazumizya kuti zibewo. (Baroma 13:1-7) Alubo tusyoma kuti maKkristu beelede kuswiilila beendelezi banyika.—Lukka 20:25.

 Tuchita biyeni kuti mulawu wamfulumende kukazyania amilawu yaLeza. Muchiimo chili boobo, Bakamboni baJehova balakonzya kukumbila zili mumulawu kuti mfulumende ibambulule milawu njibikkide. c Kuti mfulumende kitakonzyi kubambulula, Bakamboni baJehova basala “kuswiilila Leza mbuli mweendelezi kutali bantu.”—Milimu 5:29.

 Peepe. Bakamboni baJehova tabanjili muli zyapolitikisi azyeelelo zyabantu. Tatutoli lubazu mukusekelela mazuba akulemeka beendelezi naakuti masooja, kusekelela kulilela kwanyika, kusaluta fuleegi naakuti kwiimba miimbo aanyika, kutali akaambo kakuti tuli kabunga kazyapolitikisi. Pesi, akaambo kanjiisyo zyamuBbayibbili nzitusyoma zili atala akusekelela mapobwe aanyika.