•   “Munyaka uuno kwapya loko kuChina alubo nkachitatu kuti kupye oobo muchilimu.”—The Guardian, September 7, 2022.

•   “Ooyu ulaba munyaka wachi 5 nzala kayili kwiinkilila kunembo munyika zili muAfrica.”—UN News, August 26, 2022.

•   “Munyika zyiinda kuhafu kuEurope mulakonzya kuba bbalangwe. Alubo kuyeeyelwa kuti takunaba bbalangwe pati oobu kuzwa muminyaka iili 500 yakiinda.”—BBC News, August 23, 2022.

 Basyabusongo biingi balikuyeeyela kuti bbalangwe eeli lilayinkilila kunembo alubo lilakonzya kuba pati loko. Kuli bulangilizi na bwakuti zintu zizyoobota kunembo? Bbayibbili lityeni?

 Bbayibbili lyakaamba kuti:

•   “Mundawu zisiyene-siyene kuzooba nzala.”—Lukka 21:11.

 Bbalangwe lipa kuti kube nzala. Nzala, mapenzi abantu bafwa akaambo kanzala zizuzikizya bupolofita buli muBbayibbili.—Chiyubunuzyo 6:6, 8.

 Bbayibbili litupa kaambo kayandikana kapa kuti kube bbalangwe pati. Lyaamba kuti:

•   “Muntu weenda tapedwe nguzu zyakusololela noziba ntaamu zyakwe.”—Jeremiya 10:23.

 Eezi zyaamba kuti bantu tabakwe manguzu pe ‘aakusololela noziba ntaamu’ zyabo naakuti aakulyeendelezya. Kukachilwa kweendelezya chiindi chiingi kupa kuti kube nzala akuti kubulike maanzi.

•   Bazyasayensi biingi balazumina kuti zintu zyiingi zichitwa abantu nzizyo zipa kuti kube bbalangwe alubo eezi ngazyapa kuti kube nzala.

•   Bantu batangala alubo banga basala kabatayeeyeli lyajuunza bapa kuti kube mapenzi aasiyene-siyene mbuli kunyonyoonwa kwamisamu, kusofwaazigwa kwamoya akutabelesegwa kabotu kwazintu zyakalengwa aaLeza. Eezi zipa kuti kube penzi lyakubulika kwamaanzi.

 Nikuba oobo, Bbayibbili litupa bulangilizi.

 Bbayibbili lisyomezya kuti Leza uzoolimanisya penzi lyakubulika kwamaanzi. Uzoolimanisya biyeni?

1.  1. Leza ‘uzoonyonyoona aabo balikunyonyoona nyika.’ (Chiyubunuzyo 11:18) Chimwi chintu chipati nchazoogwisya chipa kuti kube penzi lyakubulika kwamaanzi mbantu babi, batangaala alubo banyonyoona zintu zyakalengwa aaLeza.—2 Timotewo 3:1, 2.

2.  2. “Nyika njumu nta iipya iyooba amazyiba aajisi matete.” (Isaya 35:1, 6, 7) Leza uyoopa kuti nyika eeyi yanyonyooka akaambo kakubulika kwamaanzi ichinche ibe paradayizi.

3.  3. “Yebo ulailanganya nyika, wiipa kuti izyale micelo minji kapati alimwi akuti ibote kapati.” (Intembauzyo 65:9) Jehova uzooyilongezya nyika kuti ibe achakulya chiingi amaanzi miingi zitazookkwane bantu boonse.