Intembauzyo 106:1-48
106 Amumutembaule Ja!*
Amumulumbe Jehova, nkaambo mubotu;+Luyando lwakwe lutamani nkoluli lyoonse mane kukabe kutamani.+
2 Ino nguni uukonzya kulomya kukambauka milimo mipati ya JehovaNaa kwaambilizya milimo yakwe yoonse iitembaulika?+
3 Balikkomene aabo bacita zintu cabululami,Bacita ziluleme ciindi coonse.+
4 Kondiyeeya, O Jehova, ciindi nobafwida luzyalo* bantu bako.+
Kondilanganya amilimo yako yalufwutuko,
5 Kutegwa ndibone bubotu mbotondezya bantu bako basalidwe,+Kuti andime ndikondwe antoomwe acisi cako,Akuti cakulidunda ndikutembaule* antoomwe alukono lwako.
6 Twabisya mbubonya bwakacita bamataateesu;+Twalubizya; twacita zintu zibi.+
7 Bamataateesu tiibakalumba* milimo yako iigambya ku Egepita.
Kunyina nobakayeeya luyando lwako lutamani lupati,Pele bakazanga kulwizi, inzya ku Lwizi Lusalala.+
8 Pele wakabafwutula akaambo kazina lyakwe,+Kutegwa azyibye nguzu zyakwe.+
9 Wakakalalila Lwizi Lusalala, eelyo lwakayuminina;Wakabainzya mumpisi yandulo mbuli kuti bainda mucimpayuma;*+
10 Wakabafwutula kuzwa mujanza lyasinkondonyina+Akubanununa kuzwa mujanza lyamulwani.+
11 Maanzi akabavwumba basinkondonyina;Kunyina naba omwe wabo wakafwutuka.*+
12 Mpoonya bakasyoma cisyomezyo cakwe;+Bakatalika kumwiimbila ntembauzyo.+
13 Pele cakufwambaana bakaziluba nzyaakacita;+Tiibakalindila lulayo lwakwe.
14 Bakaba abulyato munkanda;+Bakasunka Leza mucimpayuma.+
15 Wakabapa ncobakalomba,Pele wakabatumina cilwazi icakabapa kufwuluka.+
16 Bakanyonokela Musa munkambiAlimwi a Aroni,+ uusalala wa Jehova.+
17 Mpoonya nyika yakaanduka akumena DataniAlimwi yakavwumba baabo bakabungene a Abiramu.+
18 Mulilo wakavwutuka akati kankamu yabo;Mulilo wamabangabanga wakabaumpa cakumaninina babi.+
19 Bakapanga moombe ku HorebuAkukotamina cikozyanyo cifwulidwe;+
20 Bakacincanya bulemu bwanguAcikozyanyo caŋombe iilya bwizu.+
21 Bakaluba Leza+ Mufwutuli wabo,Ooyo wakacita milimo mipati mu Egepita,+
22 Milimo iigambya mucisi ca Hamu,+Zintu ziyoosya kapati ku Lwizi Lusalala.+
23 Wakatiilailile kuti banyonyoonwe,Pele Musa, imuntu wakwe uusalidwe wakabaiminina kulinguwe*Kutegwa alesye bukali bwakwe bwakuti abanyonyoone.+
24 Mpoonya bakasampaula nyika iiyandwa;+Tiibakajisi lusyomo mucisyomezyo cakwe.+
25 Bakazumanana kuŋuŋuna mumatente aabo;+Tiibakaswiilila jwi lya Jehova.+
26 Aboobo wakatambika janza lyakwe mujulu akukonka kujatikizya mbaboKuti wakali kuyoobawisya munkanda;+
27 Bana babo wakali kuyoobawisyila akati kamasi,Alimwi akubamwaila muzisi zyoonse.+
28 Bakatalika kukomba* Baala waku Peori,+Alimwi bakalya zipaizyo zyakatuulwa kubafwu.*
29 Bakamukalazya Leza akaambo kamicito yabo,+Aboobo bakasikilwa cipenzyo akati kabo.+
30 Pele Finehasi naakanyamuka akubweza ntaamu,Cipenzyo eeco cakalesyegwa.+
31 Aboobo wakabonwa kuti mululamiKumazyalani oonse mane kukabe kutamani.+
32 Bakamunyemya Leza kumaanzi aaku Meriba,*Eelyo zintu tiizyakamweendela kabotu Musa akaambo kambabo.+
33 Bakanyemya moyo wakwe,Eelyo wakaamba caambaambe amulomo wakwe.+
34 Tiibakabanyonyoona bantu bamasi,+Mbuli mbwaakabalailila Jehova.+
35 Pele bakayanzana abamasi+Akutalika kutobela* zilengwa zyabo.+
36 Bakali kubelekela mituni yabo,+Eelyo eeyi yakababeda kakole.+
37 Bakali kupaizya bana babo basankwaAlimwi abana babo basimbi kumadaimona.+
38 Bakazumanana kutila bulowa bwabantu batakwe mulandu,+Bulowa bwabana babo basankwa abasimbiAabo mbobakali kupaizya kumituni yaku Kanana;+Eelyo nyika yakasofwaazyigwa abulowa ibwakatilwa.
39 Bakasofwaala akaambo kamilimo yabo;Bakacita buvwuule bwakumuuya akaambo kamicito yabo.+
40 Aboobo bukali bwa Jehova bwakavwutukila bantu bakwe,Alimwi wakasesemwa lukono lwakwe.
41 Cakwiinduluka-induluka wakali kubaaba mumaanza aabantu bamasi,+Kutegwa aabo babasulide babeendelezye.+
42 Basinkondonyina bakabapenzya,Alimwi bakalibombya mumaanza aabo.
43 Ziindi zinji wakali kubavwuna,+Pele balo bakali kuzanga alimwi tiibakali kumvwa,+Aboobo bakali kuletwa ansi akaambo kamilandu yabo.+
44 Nokuba boobo wakali kwaabona mapenzi aabo+Akumvwa kukwiila kwabo nibakali kukwiilila lugwasyo.+
45 Kutegwa abagwasye wakali kwiibaluka cizuminano cakwe,Alimwi wakali kweetezyegwa,* akaambo kaluyando lwakwe lutamani lupati.+
46 Wakali kubapa kuti kabeetezyaKuli baabo boonse ibakabaangide mubuzike.+
47 Kotufwutula, O Jehova Leza wesu,+Alimwi kotuyobolola kuzwa kumasi+Kutegwa tulumbaizye zina lyako lisalalaAkuti tusekelele notukutembaula.*+
48 Aatembaulwe Jehova, Leza wa Israyeli,Lyoonse alyoonse mane kukabe kutamani.*+
Bantu boonse abaambe kuti, “Ameni!”*
Amumutembaule Ja!*
Bupanduluzi buyungizyidwe
^ Naa “Aleluya!” “Ja” nkufwiinsyigwa kwazina lyakuti Jehova.
^ Naa “nobacitila zibotu.”
^ Naa “ndilidunde akaambo kanduwe.”
^ Naa “tiibakamvwisya.”
^ Naa “munkanda.”
^ Naa “wakasiigwa.”
^ Mu Chihebrayo, “wakaima mumweenya iwakali kumbele lyakwe.”
^ Naa “Bakaliswaanganya kuli.”
^ Nkokuti, zipaizyo zituulwa kubantu bafwide naa kuli baleza bataponi.
^ Nkokwaamba kuti “Kubwesyanya.”
^ Naa “Akwiiya.”
^ Naa “kucinca mizeezo.”
^ Naa “tusekelele muntembauzyo zyako.”
^ Naa “Kuzwa lili alili mane kukabe kutamani.”
^ Naa “Akube boobo!”
^ Naa “Aleluya!” “Ja” nkufwiisyigwa kwazina lyakuti Jehova.
