Intembauzyo 132:1-18
Lwiimbo lwa Basikutanta.
132 O Jehova, komuyeeya DavidaAlimwi akupenga kwakwe koonse;+
2 Mbwaakakonka kuli Jehova,Mbwaakakonka kuli Singuzu wa Jakobo kuti:+
3 “Tandikokunjila mutente lyangu, muŋanda yangu.+
Tandikokoona acuuno cangu cakoonena, inzya abulo bwangu;
4 Tandikoolekela meso aangu koona,Noziba zikoye zyangu kuti zifwunye
5 Kusikila ndijanine Jehova busena,Ŋanda mbotu* ya Singuzu wa Jakobo.”+
6 Amubone! Twakamvwa mpuwo yanjiyo ku Efrata;+Twakaijana muzyoonde zyamusyokwe.+
7 Atunjile muŋanda yakwe;*+Atukotame kucilyatilo camaulu aakwe.+
8 Nyamuka, O Jehova, uboole kubusena bwako bwakulyookezyela,+Yebo a Bbokesi lyanguzu zyako.+
9 Bapaizi bako abasame bululami,Alimwi bantu bako basyomeka aboongolole cakukondwa.
10 Akaambo ka Davida mubelesi wako,Utamukaki* munanike wako.+
11 Jehova wakonka kuli Davida;Masimpe takacinci maano pe, waamba kuti:
“Umwi walunyungu lwako,*Ndiyoomukkazika acuuno cako cabwami.+
12 Ikuti bana bako bazumanane kubamba cizuminano canguAziyeekezyo zyangu nzyondibayiisya,+Bana babo abaloBayookkala acuuno cako cabwami mane kukabe kutamani.”+
13 Nkaambo Jehova wasala Ziyoni;+Ulayandisya kuti kakkala mumo, waamba kuti:+
14 “Oobu mbusena bwangu bwakulyookezyela mane kukabe kutamani;Ndinookkala oomuno,+ nkaambo ncecintu ncondiyanda.
15 Ndiyoobuleleka kapati kwiinda mukubupa zyakulya;Bacete bakkala mumo ndiyoobakkutya cinkwa.+
16 Bapaizi bamumo ndiyoobasamika lufwutuko,+Alimwi bantu bamumo basyomeka bayakoongolola cakukondwa.+
17 Ooko nkondiyoopa kuti nguzu zya Davida zivwule.*
Ndamubambila lambe munanike wangu.+
18 Basinkondonyina ndiyoobapa kufwa nsoni citaambiki,Pele musini uuli amutwe wakwe unooyaabumweka.”+
Bupanduluzi buyungizyidwe
^ Naa “Tente lipati lyakubunganina.”
^ Naa “tente lyakwe lipati lyakubunganina.”
^ Mu Chihebrayo, “Utapilusyi busyu bwa.”
^ Mu Chihebrayo, “wamicelo iizwa mwida lyako.”
^ Mu Chihebrayo, “lwija lwa Davida lukomene.”
