Intembauzyo 140:1-13
Kumweendelezi wanyimbo. Lwiimbo lwa Davida.
140 Kondivwuna, O Jehova, kubantu babi;Kondikwabilila kuzigwebenga,+
2 Aabo ibakanza kucita zintu zibyaabi mumyoyo yabo+Akubusya mazwanga buzuba boonse.
3 Bakwenga milaka yabo mbuli yanzoka;+Buyoka bwacipile buli kunsi aamilomo yabo.+ (Sela)
4 Kondivwuna, O Jehova, kumaanza aabantu babi;+Kondikwabilila kuzigwebenga,Eezyo zikanza kundileba.
5 Basikulisumpula banditeya kakole;Antambo banditeya lunsabwe kumbali aanzila.+
Banditeya tooze.+ (Sela)
6 Ndaambila Jehova kuti: “Nduwe Leza wangu.
O Jehova, kondiswiilila nendilila kuti undigwasye.”+
7 O Mwami Singuzuzyoonse Jehova, O Mufwutuli wangu singuzu,Yebo nduwe uukwabilila mutwe wangu mubuzuba bwankondo.+
8 O Jehova, utabapi nzyobayanda bantu babi.
Utalekeli makanze aabo kuti azwidilile, kutegwa batasumpulwi. (Sela)+
9 Mitwe yabaabo bandizingulukide,Aivwumbwe mapenzi ngobaamba amilomo yabo beni.+
10 Abalosyelwe makala aamulilo.+
Abawisyilwe mumulilo,Mumalindi malamfwu,*+ kutegwa batanyamuki kabili.
11 Muntu sikubejekezya atabi abusena munyika.*+
Mapenzi aazitobele zigwebenga akuzijaya.
12 Ndilizyi kuti Jehova ulabaiminina bantu bapengedeAkubabetekela cabululami bacete.+
13 Ncobeni balulami banoolumbaizya zina lyako;Balomene banookkala kumbele lyako.+
