Intembauzyo 17:1-15
Mupailo wa Davida.
17 Komvwa nendipailila bululami, O Jehova;Kondiswiilila nendikukwiilila kuti undigwasye;Koswiilila mupailo wangu ngondipaila amilomo iitakwe lweeno.+
2 Kondibetekela kaambo kangu cabululami;+Meso aako aabone cintu ciluzi.
3 Walingula moyo wangu, wandilingula masiku;+Wandisalazya;+Ulajana kuti tandijisi makanze mabi,Awalo mulomo wangu kunyina nowabisya pe.
4 Kujatikizya milimo yabantu,Kweelana ajwi lizwa kumulomo wako, mebo ndilazitantamuka nzila zyacigwebenga.+
5 Ntaamu zyangu azizumanane kuba munzila zyakoKutegwa maulu aangu atakalebwi.+
6 Ndilakwiita, akaambo kakuti ulandivwiila,+ O Leza.
Kocenjeka kutwi kwako* kulindime. Komvwa majwi aangu.+
7 Kotondezya luyando lwako lutamani munzila+ mbotu kapati,Yebo O Mufwutuli wabaabo bayandaula mayubilo kujanza lyako lyalulyoKuzwa kuli baabo bakuzangila.
8 Kondibamba mbuli imboni yaliso lyako;+Kondisisa mucimvwule camababa aako.+
9 Kondikwabilila kubantu babi ibandilwana,Kuli basinkondoma bajaya ibandizingulukide.+
10 Bayumya myoyo yabo;*Amulomo wabo baambaula cakulisumpula;
11 Lino balituzingulukide koonse-koonse;+Balitulangide kutegwa bajane nzila yakutuwisyila ansi.
12 Sinkondoma uli mbuli syuumbwa uuyandisya kuzazaula munyama ngwaajata,Mbuli syuumbwa uucili mwana uukalaba kutegwa avwampile munyama.
13 Nyamuka, O Jehova, komugama+ akumuwisyila ansi;Kondivwuna kubantu babi apanga lyako;
14 Kondivwuna ajanza lyako, O Jehova,Kubantu bamunyika eeyi,* ibajisi buyo caabilo mubuumi oobu,+Aabo mbokkutya azintu zibotu nzyopa+Alimwi ibasiila bana babo banji lukono.
15 Pele mebo, ndiyoobona busyu bwako mubululami;Ndilabotelwa kubuka kumbele lyako.*+
Bupanduluzi buyungizyidwe
^ Naa “Kosintama uswiilile.”
^ Naa “Babbila mumafwuta aabo beni.”
^ Naa “bamubweende bwazintu oobu.”
^ Naa “akubona ciimo cako.”
