Intembauzyo 38:1-22
Lwiimbo lwa Davida, lwakwiibalusya.
38 O Jehova, utandisinsi cabukali,Naa kundilulamika konyemede.+
2 Nkaambo mivwi yako yabbila mulindime,Alimwi janza lyako lyandilemena.+
3 Mubili wangu woonse ulacisa* akaambo kakukalalilwa anduwe.
Taakwe luumuno muzifwuwa zyangu akaambo kacibi cangu.+
4 Nkaambo milandu yangu yandivwulila atala aamutwe wangu;+Yandiminya kapati mbuli mukuli mulemu.
5 Zilonda zyangu zyabola akununka nsuAkaambo kabufwubafwuba bwangu.
6 Ndapenga mumizeezo alimwi ndausa kapati;Buzuba boonse ndileenda kanduuside.
7 Mukati kangu mulapya kapati;*Mubili wangu woonse ulacisa.+
8 Ndaba acinwe alimwi ndatyolooka cakumaninina;Moyo wangu uupengede kapati wandipa kutongela.
9 O Jehova, zyoonse nzyondiyanda zili kumbele lyako,Akwalo kutongela kwangu takusisidwe kulinduwe pe.
10 Moyo wangu waduntaana kapati, inguzu zyandimana,Awalo mumuni wameso aangu wandisiya.+
11 Beenzuma alimwi abasaama balanditantamuka akaambo kacilwazi cangu,Abalo aabo mbotuzyibene kapati baimina kulamfwu.
12 Aabo bayandaula buumi bwangu banditeya tukole;Aabo basola kundicisa baamba zyalunyonyooko;+Buzuba boonse bavwiya-vwiya zyalweeno.
13 Pele mbubonya mbuli musinkematwi, mebo tiindali kuswiilila;+Mbubonya mbuli syaataambi, tiindali kujalula mulomo wangu.+
14 Ndaba mbuli muntu uutaswiilili,Uutakwe majwi mukanwa aakukazya.
15 Nkaambo ndakakulindila, O Jehova,+Eelyo yebo wakandivwiila, O Jehova, Leza wangu.+
16 Nkaambo ndakaamba kuti: “Batakondwi akaambo kamapenzi aanguNaa kulisumpula kulindime ikuti kuulu kwangu kwatezemuka.”
17 Nkaambo kwakasyeede buyo asyoonto kuti ndinetuke,Alimwi lyoonse ndakamvwide kucisa.+
18 Ndakalyaambilila mulandu wangu;+Cibi cangu cakandipenzya.+
19 Pele basinkondoma mbasungu* alimwi mbaasinguzu,*Aabo bandisulide kakunyina kaambo bavwula kapati.
20 Bakandijolela cibi kucibotu ncindakacita;Bakali kundikazya akaambo kakuti nditobela cibotu.
21 Akaka utandilekelezyi, O Jehova.
O Leza wangu, utazumanani kwiimina kulamfwu andime.+
22 Koboola cakufwambaana undigwasye,O Jehova, olufwutuko lwangu.+
Bupanduluzi buyungizyidwe
^ Mu Chihebrayo, “Kunyina mpondilimvwide kabotu mumubili wangu.”
^ Mu Chihebrayo, “Mucibuno cangu mulapya kapati.”
^ Mu Chihebrayo, “mbaumi.”
^ Naa ambweni, “Pele bantu bandilwana kakunyina kaambo mbanji.”
