Intembauzyo 56:1-13
Kumweendelezi wanyimbo; lwiimbwe mbuli lwiimbo lwa “Nziba Yuumwine Iili Kulamfwu Kapati.” Intembauzyo ya Davida. Mikitamu.* Ciindi ba Filisiti nobakamujata ku Gati.+
56 O Leza, kondifwida luzyalo, nkaambo muntu ulandilwana.*
Buzuba boonse baluujisi kundilwana akundipenzya.
2 Basinkondoma baluujisi kundiluma buzuba boonse;Mbanji ibandilwana cakulisumpula.
3 Ciindi nendiyoowede,+ ndisyoma nduwe.+
4 Ngu Leza—ooyo uulaajwi ndyonditembaula—Inzya, ngu Leza ngondisyoma; tandiyoowede pe.
Ino muntu* uulya maila inga wandityani?+
5 Buzuba boonse banyonganya milimo yangu;Bajisi buyo muzeezo wakundicitila cibi.+
6 Balayuba kutegwa bandilwane;Balangilila ntaamu zyangu zyoonse,+Kabakanzide kundijaya.+
7 Kobakaka akaambo kabubi bwabo.
Kowisya masi cabukali, O Leza.+
8 Yebo ulibwene mbondituntulika.+
Kobikka misozi yangu munkomo yako yacikutu.+
Sena tiilembedwe mubbuku lyako?+
9 Basinkondoma bayootija mubuzuba mbondiyookwiita kuti undigwasye.+
Ndili masimpe kuti: Leza uli kulubazu lwangu.+
10 Ngu Leza—ooyo uulaajwi ndyonditembaula—Ngu Jehova—ooyo uulaajwi ndyonditembaula—
11 Inzya, ngu Leza ngondisyoma; tandiyoowede pe.+
Ino muntu uulya maila inga wandityani?+
12 Mebo ndaangidwe azikonke zyangu kulinduwe, O Leza;+Ndilakupa zipaizyo zyakulumba.+
13 Nkaambo wandifwutula kulufwu+Alimwi walesya maulu aangu kuti atalebwi,+Kutegwa kandeenda kumbele lya Leza mumumuni wabaumi.+
Bupanduluzi buyungizyidwe
^ Amubone Bupanduluzi Bwamabala.
^ Naa “uyanda kundiluma.”
^ Mu Chihebrayo, “mubili wanyama.”
