Intembauzyo 58:1-11
-
Kuli Leza uubeteka nyika
-
Mupailo wakulomba kuti ibabi basubulwe (6-8)
-
Kumweendelezi wanyimbo; lwiimbwe mbuli lwiimbo lwa “Utanyonyooni.” Intembauzyo ya Davida. Mikitamu.*
58 Sena mulakonzya kwaamba bululami kuti kamuumwine?+
Sena mulakonzya kubeteka cabululami, nywebo nobana babantu?+
2 Muciindi caboobo, mumyoyo yanu mukanza kucita zintu zitaluleme,+Alimwi maanza aanu apa kuti nkondo isakane mucisi.+
3 Ibabi balasweeka* kuzwa ciindi nobazyalwa;Mbazangi, mbabeji kuzwa ciindi nobatumbukwa.
4 Buyoka bwabo buli mbuli buyoka bwanzoka;+Mbasinkematwi mbuli nkombola iilisinka kutwi.
5 Taiswiilili jwi lyabaŋanga,Nobacibwene buti kubelesya musamu wamasalamuzi.
6 O Leza, kokulaula meno aali mukanwa lyabo!
Kotyolaula myeebo yabasyuumbwa aaba, O Jehova!
7 Abazimaane mbuli maanzi aakunka mane ayuminina.
Leza aongomeke buta bwakwe kuti abawisye amivwi yakwe.
8 Ababe mbuli nkumba iiyaaya niiyabweenda;Mbuli kasowe ikataboni zuba.
9 Izibiya zyanu kazitanamvwa mulilo watusanzo twamamvwa,Leza uyootola kasamu katete akayumu ikayaka mucikko, mbuli kuti twabbubbulwa aaguwo lyuungisya.+
10 Mululami uyookondwa akaambo kakuti wabona kupilusyigwa kwacibi;+Maulu aakwe ayoolyatauka mubulowa bwababi.+
11 Mpoonya bantu bayakwaamba kuti: “Masimpe mululami ulajana bulumbu.+
Ncobeni nkwali Leza uubeteka munyika.”+
