Intembauzyo 59:1-17
Kumweendelezi wanyimbo; lwiimbwe mbuli lwiimbo lwa “Utanyonyooni.” Intembauzyo ya Davida. Mikitamu.* Ciindi Saulo naakatuma bantu kuti balinde ŋanda ya Davida kutegwa bamujaye.+
59 Kondivwuna kuli basinkondoma, O Leza wangu;+Kondikwabilila kuli baabo bandibukila.+
2 Kondivwuna kuli basimucita zibi,Alimwi kondifwutula kuzigwebenga.*
3 Bona! Balandiyubilila;+Basinguzu bandilwanaNokuba kuti tiindazanga pe naa kucita cibi,+ O Jehova.
4 Nokuba kuti tiindakabisya, balabalika akulibambila kundilwana.
Kobuka ciindi nendikwiita, ubone.
5 Nkaambo yebo, O Jehova Leza wamakamu, nduwe Leza wa Israyeli.+
Sinsimuka ulingule masi oonse.
Utabafwidi luse bantu bali boonse bajayi ibaaba bamwi.+ (Sela)
6 Balapiluka kumangolezya;+Balakuwa mbuli babwa+ akuzelengana mumunzi.+
7 Kobona zipoomoka kumulomo wabo;Milomo yabo ili mbuli mapanga,+Nkaambo baamba kuti: “Ino nguni uuswiilila?”+
8 Pele yebo, O Jehova, uyoobaseka;+Uyooweela masi oonse.+
9 O Nguzu zyangu, ndinoolangila nduwe;+Nkaambo Leza mayubilo aangu aakwabilidwe.+
10 Leza uunditondezya luyando lutamani uyoondigwasya;+Leza uyoondipa kubona mbobazundwa basinkondoma.+
11 Utabajayi pe, kutegwa bantu bangu batalubi.
Kobapa kutuntulika anguzu zyako;Kobapa kuwa, O Jehova, ontobo yesu.+
12 Akaambo kacibi camukanwa lyabo, imajwi aazwa kumilomo yabo,Abajatwe akaambo kakulisumpula kwabo,+Akaambo kamatusi aabo alimwi alweeno ndobaamba.
13 Kobanyonyoona cabukali;+Kobanyonyoona, kutegwa bamane;Kobapa kuzyiba kuti Leza nguweendelezya Jakobo kusikila kumagolelo aanyika.+ (Sela)
14 Abapiluke kumangolezya;Abakuwe mbuli babwa akuzelengana mumunzi.+
15 Bantu aabo abatuntulike kuyandaula cakulya;+Batakkuti pe naa kujana busena bwakukkala.
16 Pele mebo, ndinakwiimba kujatikizya nguzu zyako;+Mafwumofwumo ndinooluula luyando lwako lutamani cakukondwa.
Nkaambo ndonduwe mayubilo aangu aakwabilidwe+Abusena bwakutijila mubuzuba bwamapenzi aangu.+
17 Onguzu zyangu, ndinookwiimbila nyimbo zyakukutembaula,+Nkaambo Leza mayubilo aangu aakwabilidwe, Leza uunditondezya luyando lutamani.+
