Intembauzyo 65:1-13
Kumweendelezi wanyimbo. Intembauzyo ya Davida. Lwiimbo.
65 O Leza, uyootembaulwa mu Ziyoni;+Tuyoozuzikizya zikonke zyesu kulinduwe.+
2 Yebo Ooswiilila mipailo, bantu bamisyobo yoonse* bayooboola kulinduwe.+
3 Zinyonyoono zyangu zyandivwulila kapati,+Pele yebo ulazivwumba nsotoko zyesu.+
4 Ulikkomene muntu ngosala akuswenya kulinduweKuti akkale mumabuwa aako.+
Tunookkuta bubotu bwamuŋanda yako,+Itempele* lyako lisalala.+
5 Uyootwiingula amilimo iiyoosya+ iicitwa mubululami,O Leza walufwutuko lwesu;Yebo ndonduwe Oosyomwa amagolelo oonse aanyika+Alimwi abaabo ibali kule mutala aalwizi.
6 Yebo wakakkazikizya malundu kwiinda munguzu zyako;Ulijisi nguzu zinji kapati.+
7 Yebo ulabatamika lwizi lukopene,+Kuvwuuma kwamayuwe aandulo alimwi akupyopyongana kwamisyobo yabantu.+
8 Aabo bakkala kumasena aakule bayooziyoowa zitondezyo zyako;+Yebo uyoopa kuti bantu boongolole cakukondwa kuzwa kumapolelo aazuba kusikila kumabbililo aandilyo.
9 Yebo ulailanganya nyika,Wiipa kuti izyale micelo minji kapati alimwi akuti ibote kapati.+Kalonga kazwa kuli Leza kazwide maanzi;Ubapa maila,+Nkaambo oobo mbookaibamba nyika.
10 Mifwolo yanjiyo ulaizuzya maanzi akweelanya nyika iilimidwe;Ulaitesya amvwula yamuyoba; ulazileleka eezyo zimena alinjiyo.+
11 Mwaka wausakatizya amusini wabubotu bwako;Mutuzila twako muli zintu zinji kapati.*+
12 Macelelo aamunkanda aluujisi kuzula,*+Alimwi tulundu tusamide lukkomano.+
13 Macelelo azula camatanga,Aalo makkuti azwide buyo maila.+
Zyoonse eezyi ziloongolola cakukondwa, inzya, zilaimba.+
Bupanduluzi buyungizyidwe
^ Mu Chihebrayo, “mibili yoonse yanyama.”
^ Naa “Cikombelo.”
^ Mu Chihebrayo, “musweka mafwuta.”
^ Mu Chihebrayo, “kusweka.”
