Intembauzyo 73:1-28
Lwiimbo lwa Asafu.+
73 Ncobeni Leza mubotu kuli Israyeli, kulibaabo basalala mumoyo.+
2 Lino mebo, maulu aangu akatiileye;Maulu aangu akatiitezemuke.+
3 Nkaambo ndakatalika kunyonokela basikulisumpula*Nindakabona luumuno ndobakajisi bantu babi.+
4 Nkaambo tabamvwi kucisa nobafwa;Mibili yabo ili kabotu, ilineneede.*+
5 Tabakatazyigwi mbuli bantu bambi,+Alimwi tabapengi mbuli bantu bamwi.+
6 Aboobo, kulisumpula kuli mbuli bulungu munsingo zyabo;+Lupyopyongano lulibavwumbide mbuli cisani.
7 Meso aabo akomena akaambo kakuvwuba;*Bajana zinji kwiinda zyeezyo nzyobali kuyeeya mumoyo.
8 Balasampaula akwaamba zintu zibi.+
Cakulisumpula baamba makani aakudyaaminina bamwi.+
9 Baambaula mbuli kuti bali kujulu,Alimwi baleendeenda munyika kabaambaula cakumeka amilaka yabo.
10 Aboobo bantu bakwe balaleya akuunka kulimbabo,Alimwi banywa maanzi aabo manji.
11 Balati: “Ino Leza inga wazyiba buti?+
Sena Mupatikampatila ulaazyi ncobeni makani aaya?”
12 Inzya, aaba mbantu babi, ibaliibide lyoonse buyo.+
Baluujisi kuvwuzya lubono lwabo.+
13 Masimpe ndaile kulipenzya buyo kusalazya moyo wanguAkusamba kumaanza kutondezya kuti ndinyina mulandu.+
14 Alimwi buzuba boonse ndakali kukatazyigwa;+Ndakali kukalalilwa lyoonse mafwumofwumo.+
15 Pele ikuti nindakaamba zintu eezyi,Nindakaaba bantu bako.*
16 Ciindi nindakali kusola kuti ndaamvwisye makani aaya,Cakandikatazya kapati,
17 Kusikila mane ndakanjila mucikombelo ca Leza cipati,Eelyo ndakazyiba ziyoobacitikila kumbele.
18 Masimpe ubabikkide abusena butezemuka.+
Ubapa kuwa akunyonyooka.+
19 Eelo kaka mukaindi kaniini buyo banyonyoonwa!+
Balobesyegwa cakutayeeyelwa mulunyonyooko luyoosya!
20 Mbuli ciloto ciindi muntu nasinsimuka, O Jehova,Anduwe waakunyamuka, tokacibikkili maano* ciwa cabo.
21 Pele ndakanyema kapati mumoyo,+Alimwi ndakamvwa kucisa kapati mukati kangu.*
22 Tiindakali kuyeeya kabotu alimwi tiindakajisi maano;Mumeso aako ndakali buyo mbuli munyama uutayeeyi.
23 Pele lino ndilaanduwe ciindi coonse;Wandijatilila kujanza lyangu lyalulyo.+
24 Ulandisololela alulayo lwako,+Mpoonya kumbele uyoondisisya kubulemu.+
25 Ino nguni ngondijisi kujulu?
Alimwi kunze lyanduwe kunyina cintu cimbi ncondiyanda anyika.+
26 Mubili wangu amoyo wangu zilakonzya kubula nguzu,Pele Leza nindomba yamoyo wangu alimwi ncaabilo cangu lyoonse mane kukabe kutamani.+
27 Masimpe, aabo bakutantamuka bayooloba.
Uyoomunyonyoona* muntu woonse uutalilemeki* uukusiya.+
28 Pele mebo, cilandibotela kuswena kuli Leza.+
Ndasala Mwami Singuzuzyoonse Jehova kuba mayubilo aangu,Kutegwa ndaambilizye milimo yako yoonse.+
Bupanduluzi buyungizyidwe
^ Naa “basikulidunda.”
^ Naa “Mada aabo azwide mafwuta.”
^ Mu Chihebrayo, “kamafwuta.”
^ Mu Chihebrayo, “izyalani lyabana bako.”
^ Mu Chihebrayo, “uyoosampaula.”
^ Mu Chihebrayo, “munsa zyangu.”
^ Mu Chihebrayo, “Uyoomuumuzya.”
^ Naa “uutasyomeki.”
