Intembauzyo 79:1-13
Lwiimbo lwa Asafu.+
79 O Leza, bantu bamasi banjilila lukono lwako;+Basofwaazya tempele lyako lisalala;+Basandula Jerusalemu kuba matongo.+
2 Baaba mitunta yababelesi bako kuti ibe cakulya cabayuni bauluka mujuluAnyama yamibili yabantu bako basyomeka kubanyama bamusyokwe baansi.+
3 Batila bulowa bwabantu bako mbuli maanzi kuzinguluka Jerusalemu,Alimwi kunyina wasyaala kuti abazikke.+
4 Twaba cintu cisampukide kuli basimukoboma;+Aabo batuzingulukide balatufwubaazya akutuweela.
5 Ino unoonyemede kusikila lili, O Jehova? Sena mane kukabe kutamani?+
Ino bukali bwako bunooyaka mbuli mulilo kusikila lili?+
6 Bukali bwako kobutila amasi aatakuzyiAmami aayo aataiti zina lyako.+
7 Nkaambo Jakobo amulya cakumanininaAlimwi anyonyoona cisi cakwe.+
8 Utatupi mulandu akaambo kazibi zyabasikale besu.+
Kofwambaana kutufwida luse,+Nkaambo twapenga kapati.
9 Kotugwasya, O Leza walufwutuko lwesu,+Akaambo kabulemu bwazina lyako;Kotuvwuna akutulekelela* zibi zyesu akaambo kazina lyako.+
10 Ino nkaambo nzi masi ncaayelede kwaamba kuti: “Ino uli kuli Leza wabo?”+
Kumwi katulangilila akuzyibwe akati kamasiKuti cibi cakutila bulowa bwababelesi bako capilusyigwa.+
11 Komvwa kutongela kwamwaange uuli muntolongo.+
Kobelesya nguzu* zyako zinji kapati kuvwuna* baabo babetekwa kuti bajaigwe.*+
12 Basimukoboma kobasubula ziindi zili ciloba+Akaambo kamasampu ngobakusampaula, O Jehova.+
13 Mpoonya swebo, tobantu bako alimwi tobutanga bwamumacelelo aako,+Tunookulumba lyoonse mane kukabe kutamani;Alimwi tunookutembaula kumazyalani oonse.+
Bupanduluzi buyungizyidwe
^ Mu Chihebrayo, “akuvwumba.”
^ Mu Chihebrayo, “janza.”
^ Naa ambweni, “kwaangununa.”
^ Mu Chihebrayo, “bana balufwu.”
