Intembauzyo 89:1-52
Masikili.* Intembauzyo ya Etani+ muna Ezara.
89 Ndinakwiimba zyaluyando lwa Jehova lutamani lyoonse mane kukabe kutamani.
Amulomo wangu ndinoozyibya kusyomeka kwako kumazyalani oonse.
2 Nkaambo ndaamba kuti: “Luyando lutamani lunooliko lyoonse mane kukabe kutamani,+Alimwi wakkazikizya kusyomeka kwako kujulu.”
3 “Ndapanga cizuminano amuntu wangu uusalidwe;+Ndakonka kumubelesi wangu Davida:+
4 ‘Lunyungu+ lwako ndiyoolwiimika nji lyoonse mane kukabe kutamani,Alimwi cuuno cako cabwami ndiyoocikkazikizya kumazyalani oonse.’”+ (Sela)
5 Majulu atembaula milimo yako iigambya, O Jehova,Inzya, kusyomeka kwako mumbungano yabasalali.
6 Ino nguni kujulu uukonzya kweelanisyigwa a Jehova?+
Ino nguni akati kabana ba Leza+ uuli mbuli Jehova?
7 Leza ulayoowegwa munkamu* yabasalali;+Mupati alimwi ulayoosya kapati kuli baabo boonse bamuzingulukide.+
8 O Jehova Leza wamakamu,Ino nguni singuzu uuli mbuli nduwe, O Ja?+
Kusyomeka kwako kulikuzingulukide.+
9 Yebo uleendelezya kupaya kwalwizi;+Mayuwe aandulo naanyamuka mujulu, yebo ulaabatamika.+
10 Yebo wapwayaula Rahabu+ mbuli muntu wajaigwa.+
Wamwaya basinkondonyoko ajanza lyako lyanguzu.+
11 Ijulu ndilyako, ayalo nyika njiyako;+Inyika mbotu azyeezyo zili mulinjiyo,+ nduwe wakazilenga.
12 Kunyika akumusanza, nduwe wakakulenga;Tabori+ a Herimoni+ zitembaula zina lyako cakukondwa.
13 Kuboko kwako kulaanguzu;+Janza lyako ndiyumu;+Janza lyako lyalulyo lilisumpukide.+
14 Bululami alubeta luluzi nentalisyo yacuuno cako cabwami;+Luyando lutamani akusyomeka zilaima kumbele lyako.+
15 Balikkomene bantu ibacizyi koongolola cakukondwa.+
O Jehova, baleenda mumumuni wabusyu bwako.
16 Balakondwa muzina lyako buzuba boonse,Alimwi balasumpulwa mubululami bwako.
17 Nkaambo uli bulemu bwanguzu zyabo,+Alimwi kwiinda mukukkomaninwa anduwe, nguzu zyesu zilayungizyigwa.*+
18 Nkaambo ntobo yesu njiya Jehova,Mwami wesu ngwa Uusalala wa Israyeli.+
19 Aciindi eeco yebo wakaamba mucilengaano kubantu bako basyomeka kuti:
“Ndamupa nguzu muntu uulaanguzu;+Ndamusumpula muntu uusalidwe akati kabantu.+
20 Ndamujana Davida mubelesi wangu;+Ndamunanika amafwuta aangu aasalala.+
21 Janza lyangu linoomugwasya,+Alimwi kuboko kwangu kunoomuyumya.
22 Kunyina sinkondo uuyoomubbadelesya mutelo,Alimwi kunyina muntu uutaluleme uuyoomupenzya.+
23 Basinkondonyina ndiyoobapwayaula kumbele lyakwe+Alimwi aabo bamusulide ndiyoobakandaula.+
24 Kusyomeka kwangu aluyando lwangu lutamani zilaanguwe,+Alimwi nguzu zyakwe ziyooyungizyigwa muzina lyangu.*
25 Ndiyoobikka janza* lyakwe atala aalwiziAjanza lyakwe lyalulyo atala aamilonga.+
26 Walo uyoondiita kuti: ‘Nduwe Taata,Leza wangu alimwi a Ndomba yalufwutuko lwangu.’+
27 Eelyo mebo ndiyoomupa kuba mutaanzi kuzyalwa,+Imupati kapati kwiinda bami baanyika.+
28 Ndinoomutondezya luyando lwangu lutamani lyoonse mane kukabe kutamani,+Alimwi cizuminano cangu anguwe tacikamani pe.+
29 Lunyungu lwakwe ndiyoolwiimika nji mane kukabe kutamaniAlimwi ndiyoopa kuti cuuno cakwe cabwami kaciliko lyoonse mbubonya mbuli majulu.+
30 Ikuti bana bakwe bakasiye mulawo wanguAlimwi ikuti batakeendi kweelana ambeta zyangu,
31 Ikuti batakatobeli malailile aanguAlimwi ikuti bakasotoke milawo yangu,
32 Nkokuti ndiyoobasubula amusako akaambo kakutamvwa* kwabo+Akubauma zimboko akaambo kazinyonyoono zyabo.
33 Pele walo tandikaleki kumutondezya luyando lutamani+Naa kutazuzikizya cisyomezyo cangu.*
34 Tandikajayi cizuminano cangu+Naa kucinca majwi aazwa kumulomo wangu.+
35 Mubusalali bwangu ndakonka, ciindi comwe mane kukabe kutamani;Tandikaambi zyakubeja kuli Davida.+
36 Lunyungu lwakwe lunakuliko lyoonse mane kukabe kutamani;+Cuuno cakwe cabwami cinooliko lyoonse mbubonya mbuli zuba kumbele lyangu.+
37 Mbuli mwezi cinakwiimvwi nji lyoonse mane kukabe kutamaniMbuli kamboni uusyomeka kujulu.” (Sela)
38 Pele yebo wamusowa alimwi wamukaka;+Wamunyemena munanike wako.
39 Wacikaka cizuminano ncowakapanga amubelesi wako;Wasampaula musini wakwe wabwami kwiinda mukuuwaala ansi.
40 Wamwaya malambo aakwe aamabwe oonse;*Wapa kuti minzi yakwe iikwabilidwe ibe matongo.
41 Basimweendanzila boonse bamusaala;Waba cintu cisampukide kuli basimukobonyina.+
42 Yebo wapa kuti balwani bakwe bazunde;*+Wapa kuti basinkondonyina boonse bakondwe.
43 Kunze lyaboobo, walijola munsi panga lyakwe,Alimwi wamupa kuti akomwe munkondo.
44 Wamupa kuti aleke kweebekaAlimwi cuuno cakwe cabwami waciwaalila ansi.
45 Wacesya mazuba aabukubusi bwakwe;Wapa kuti nsoni zimujaye. (Sela)
46 O Jehova, ino ulalisisa kwaciindi cilamfwu buti? Sena ulacita oobo mane kukabe kutamani?+
Sena bukali bwako bulazumanana kuyaka mbuli mulilo?
47 Koyeeya mbobuli bufwaafwi buumi bwangu!+
Sena taakwe kaambo ncookabalengela bantu boonse?
48 Ino nguni uukonzya kupona akutabona lufwu?+
Sena ulakonzya kulifwutula mwini kunguzu zya Cuumbwe?* (Sela)
49 O Jehova, ino ili kuli milimo yaluyando lwako lutamani njookali kucita kaindi,Eeyo njookakonkezya kuli Davida mukusyomeka kwako?+
50 O Jehova, koyeeya mbobasampaulwa babelesi bako;Mbondinyamuna* masampu aabantu boonse;
51 Basinkondonyoko mbobatukila, O Jehova;Mbobali kutukila mikondo yamunanike wako.
52 Aatembaulwe Jehova lyoonse mane kukabe kutamani. Ameni! Ameni!+
Bupanduluzi buyungizyidwe
^ Amubone Bupanduluzi Bwamabala.
^ Naa “mumbungano.”
^ Mu Chihebrayo, “lwija lwesu lulasumpulwa.”
^ Mu Chihebrayo, “lwija lwakwe luyoosumpulwa muzina lyangu.”
^ Naa “bweendelezi.”
^ Naa “kakuzanga.”
^ Mu Chihebrayo, “Naa kuleka kusyomeka.”
^ Naa “mayusilo aakwe aamabwe.”
^ Mu Chihebrayo, “wasumpula janza lyalulyo lyabalwani bakwe.”
^ Naa “Cikkalilo Cabafwu.” Amubone Bupanduluzi Bwamabala.
^ Mu Chihebrayo, “Mbondinyamuna acamba cangu.”
