Intembauzyo 90:1-17
Mupailo wa Musa, muntu wa Leza mwini-mwini.+
90 O Jehova, yebo wali makkalilo*+ eesu mumazyalani oonse.
2 Malundu kaatanazyalwaAlimwi kotanalenga nyika alimwi ansi mbotu,+Kuzwa lili alili mane kukabe kutamani nduwe Leza.+
3 Upa kuti muntu ajokele kubulongo;Waamba kuti: “Amujokele, nywebo nobana babantu.”+
4 Nkaambo mumeso aako myaka iili cuulu ili buyo mbuli buzuba bwajilo bwakainda,+Ambuli ciindi comwe cakulinda masiku.
5 Ulabakukulula;+ eelyo baba buyo mbuli ŋonzi;Mafwumofwumo bali buyo mbuli bwizu bumena.+
6 Mafwumofwumo bulafwefwema akusyuuka,Pele casika kumangolezya bulaneta akuyuma.+
7 Nkaambo bukali bwako bwatumana+Alimwi twayoowa akaambo kakunyema kwako.
8 Yebo ubikka milandu yesu kumbele lyako;*+Maseseke eesu alaantangalala akaambo kakumunikwa amumuni wabusyu bwako.+
9 Mazuba eesu ayaabumana* akaambo kabukali bwako;Ayalo myaka yesu ilamana cakufwambaana mbubonya mbuli muya uuzwa notuswa ciya.
10 Imyaka yabuumi bwesu ili buyo 70,Naa 80,+ ikuti muntu kali muyumu kapati.*
Pele yoonse izwide buyo mapenzi amause;Ilafwambaana kumana, eelyo tulauluka.+
11 Ino nguni uukonzya kumvwisya nguzu zyabukali bwako?
Kunyema kwako nkupati, kuleelene amboyelede kuyoowegwa.+
12 Kotuyiisya mbotweelede kubala mazuba eesu+Kutegwa tube amoyo wabusongo.
13 Kojokela O Jehova!+ Ino cinooli boobu kusikila lili?+
Kobafwida lubomba babelesi bako.+
14 Mafwumofwumo kotukkutya luyando lwako lutamani,+Kutegwa toongolole cakukondwa akusekelela+ mazuba oonse aabuumi bwesu.
15 Kotupa kusekelela kweelana amazuba ngootuuma,+Inzya, kweelana amyaka njotwabona mapenzi.+
16 Babelesi bako ababone milimo yako,Abalo bana babo ababone bweebesi bwako.+
17 Luzyalo lwa Jehova Leza wesu alube andiswe;Kopa kuti milimo yamaanza eesu izwidilile.
Inzya, kopa kuti milimo yamaanza eesu izwidilile.+
Bupanduluzi buyungizyidwe
^ Naa ambweni, “mayubilo.”
^ Naa “Yebo uliizyi milandu yesu.”
^ Naa “Buumi bwesu buyaabumana.”
^ Naa “akaambo kanguzu zilibedelede.”
