Intembauzyo 91:1-16
91 Kufwumbwa uukkala mubusena busisikide bwa Mupatikampatila+Ulakkala mucimvwule ca Singuzuzyoonse.+
2 Ndilaambila Jehova kuti: “Yebo uli mayubilo amampangala aangu,+Leza wangu ooyo ngondisyoma.”+
3 Nkaambo walo uyookuvwuna kukakole kasikuteya tuyuni,Kucilwazi cinyonyoona.
4 Uyookuvwumba* amapepe aakwe,Alimwi yebo uyooyuba mumababa aakwe.+
Kusyomeka kwakwe+ kuyookubeda ntobo+ mpati abwaanda bukukwabilila.
5 Tokayoowi zintu ziyoosya masiku,+Naa muvwi wuuluka isyikati,+
6 Nociba cilwazi cibendelela mumudima uusiya mbi,Naa lunyonyooko lusaala akalangabwaaseme.
7 Bantu bali 1,000 bayakuwa kumbali lyakoAbali 10,000 kujanza lyako lyalulyo,Pele yebo tazikakusiki afwaafwi pe.+
8 Uyoozilanga buyo ameso aakoEelyo noyoobona mbobayoosubulwa* babi.
9 Mbokunga waamba kuti: “Jehova mayubilo aangu,”
Wapa Mupatikampatila kuba makkalilo* aako;+
10 Kunyina penzi liyookusikila,+Alimwi kunyina cipenzyo ciyooswena afwaafwi atente lyako.
11 Nkaambo walo uyoolailila bangelo bakwe+ kujatikizya nduwe,Kuti bakukwabilile munzila zyako zyoonse.+
12 Bayookutemba amaanza aabo,+Kutegwa utakalinontoli abbwe.+
13 Yebo uyoolyatauka syuumbwa uucili mwana ankombola;Uyoolyatauka syuumbwa wabutambo amuzoka mupati.+
14 Leza waamba kuti: “Akaambo kakuti ulandiyanda,* ndiyoomuvwuna.+
Ndiyoomukwabilila akaambo kakuti ulilizyi* zina lyangu.+
15 Walo uyoondiita, eelyo ndiyoomuvwiila.+
Ndinooli anguwe mumapenzi aakwe.+
Ndiyoomuvwuna akumupa bulemu.
16 Ndiyoomuleleka kuti apone kwaciindi cilamfwu,+Alimwi ndiyoomupa kubona milimo yangu yalufwutuko.”*+
Bupanduluzi buyungizyidwe
^ Naa “Uyookusinkilila.”
^ Mu Chihebrayo, “mbobayoojolelwa cibi.”
^ Naa ambweni, “mampangala; mayubilo.”
^ Mu Chihebrayo, “waliswaanganya kulindime.”
^ Naa “ulalisyoma.”
^ Naa “kubona lufwutuko luzwa kulindime.”
