Intembauzyo 94:1-23
94 O Leza oopa cisubulo, Jehova,+O Leza oopa cisubulo, komweka!
2 Nyamuka, O Mubetesi wanyika.+
Kobajolela zibeelede bantu balisumpula.+
3 Ino babi balaleka lili, O Jehova,Ino babi balaleka lili kusekelela?+
4 Balabbwa akwaambaula cakulisumpula;Basimucita zibi boonse balalidunda.
5 Bapwayaula bantu bako, O Jehova,+Akupenzya lukono lwako.
6 Bajaya mukamufwu amuzwakule,Alimwi bajaya bamucaala.
7 Baamba kuti: “Ja taboni pe;+Leza wa Jakobo tacibikkili maano eeci.”+
8 Amucimvwisye eeci, nywebo nomutayeeyi kabotu;Nywebo nobafwubafwuba, ino ndilili nomuyooba amaano?+
9 Ooyo wakapanga* kutwi, sena takonzyi kumvwa?
Ooyo wakalenga liso, sena takonzyi kubona?+
10 Ooyo uululamika masi, sena takonzyi kusinsa?+
Ngonguwe uuyiisya bantu kuba aluzyibo!+
11 Jehova uliizyi mizeezo yabantu,Kuti muya buyo.+
12 Ulikkomene muntu ngolulamika, O Ja,+Ooyo ngoyiisya mulawo wako,+
13 Kutegwa umupe kuliiba mumazuba aamapenzi,Kusikila limwi babi bakasyidwe cilindi.+
14 Nkaambo Jehova takabalekelezyi bantu bakwe,+Nokuba kusiya lukono lwakwe.+
15 Nkaambo lubeta luyakululama alimwi,Eelyo boonse aabo baluleme mumoyo bayoolutobela.
16 Ino nguni uutiinyamuke kuti andilwanine babi?
Ino nguni uutiibe kulubazu lwangu kuti andilwanine basimucita zibi?
17 Ikuti Jehova naatakali mugwasyi wangu,Nindakafwa muciindi cisyoonto buyo.+
18 Ciindi nindakaamba kuti: “Kuulu kwangu kulatezemuka,”
Iluyando lwako lutamani, O Jehova, lwakali kundigwasya ciindi coonse.+
19 Mizeezo minji iilibilisya neyakandikatazya,*Yebo wakanduumbulizya akunditontozya.+
20 Sena cuuno cabwami* cabumpelenge cilakonzya kubelekela antoomwe anduweEelyo nocileta mapenzi kwiinda mukubelesya mulawo?*+
21 Balamulwana cabukali muntu uululeme+Alimwi muntu uunyina mulandu bamupa mulandu wakujaigwa.*+
22 Pele Jehova ulandibeda mayubilo aakwabilidwe,*Leza wangu nindomba yangu yakuyubila.+
23 Walo ulabapilusyila micito yabo mibi.+
Ulabanyonyoona* abubi bwabo beni.
Jehova Leza wesu ulabanyonyoona.*+
Bupanduluzi buyungizyidwe
^ Mu Chihebrayo, “wakasimpika.”
^ Naa “Mizeezo iilibilisya neyakavwula mumoyo wangu.”
^ Naa “baleli; babetesi.”
^ Naa “mukubikka mulawo.”
^ Mu Chihebrayo, “Alimwi bulowa bwamuntu uunyina mulandu babwaamba kuti bulaamulandu (mbubi).”
^ Naa “mayubilo aasumpukide.”
^ Mu Chihebrayo, “ulabaumuzya.”
^ Mu Chihebrayo, “ulabaumuzya.”
