Jobu 35:1-16
35 Elihu wakazumanana kwaamba kuti:
2 “Sena ncobeni ulisinizyide kuti yebo uliluzi cakuti inga waamba kuti,‘Mebo ndililuleme kwiinda Leza’?+
3 Mbokunga waamba kuti, ‘Ino cikujatikizya buti yebo?*
Ino nimpindu nzi njendijana ikuti naa tiindabisya?’+
4 Mebo ndilakuvwiila yeboAlimwi abeenzinyoko+ mboli limwi.
5 Langa kujulu ubone,Ubone makumbi+ aayo aasumpukide kwiinda nduwe.
6 Ikuti yebo wabisya, ino inga camucisa buti walo?+
Ikuti naa wavwuzya nsotoko zyako, ino inga wamucita nzi?+
7 Ikuti naa yebo uliluleme, ino ncinzi ncomupa walo;Ino ncinzi ncatambula kuzwa kulinduwe?+
8 Bubi bwako bupenzya buyo muntu uuli mbuli nduwe,Abululami bwako bujatikizya mwanaamuntu.
9 Bantu balakwiila nibadyaamininwa kapati;Balakwiila kuti bavwunwe nibapenzyegwa* abantu basinguzu.+
10 Pele kunyina iwaamba kuti, ‘Ino uli kuli Leza, Mulengi wangu Mupati,+Ooyo uupa kuti masiku kwiimbwe nyimbo zyakutembaula?’+
11 Walo ngonguwe uutuyiisya swebo+ ikwiinda banyama baanyika,+Alimwi ulatusongwaazya kapati kwiinda bayuni bauluka mujulu.
12 Bantu balakwiila, pele walo tabavwiili pe,+Akaambo kakulisumpula kwabantu babi.+
13 Masimpe Leza taswiilili kulila kwakulicengeezya;*+Singuzuzyoonse takubikkili maano pe.
14 Eelo kaka cilainda kuba boobo ciindi notongooka kuti tomubwene!+
Mulandu wako watolwa kale kulinguwe, aboobo komulindila buyo kolibilikide.+
15 Nkaambo walo kunyina naamba cabukali kuti ubetekwe;Alimwi tanaabikkila maano kumajwi ngowaamba caambaambe.+
16 Jobu waasamuna mulomo wakwe cabuyo;Ulavwuzya majwi aatali aluzyibo.”+
Bupanduluzi buyungizyidwe
^ Mu Chihebrayo, “kujanza.”
^ Naa “taswiilili bubeji.”
^ Mu Chihebrayo, “Mupati moyo.”
