Lwiimbo Lwa Solomoni 8:1-14
-
Musimbi (1-4)
-
“Eelo kaka nooli mbuli mwanookwesu” (1)
-
-
Banabokwabo musimbi basankwa (5a)
-
‘Ino nguni ooyu uuyeeme aamuyandwa wakwe?’
-
-
Musimbi (5b-7)
-
“Luyando lulaanguzu mbubonya mbuli lufwu” (6)
-
-
Banabokwabo musimbi basankwa (8, 9)
-
“Ikuti kali bwaanda, . . . pele ikuti kali cijazyo, . . .” (9)
-
-
Musimbi (10-12)
-
“Mebo ndili bwaanda” (10)
-
-
Mweembezi (13)
-
‘Andiliswiilile jwi lyako’
-
-
Musimbi (14)
-
“Kobalikisya mbuli nanja”
-
8 “Eelo kaka nooli mbuli mwanookwesu,Iwakanyonka nkolo zyabaama!
Nokunga ikuti ndakujana anze, nindali kukumyonta,+Alimwi nokwanyina muntu uukonzya kundisampaula.
2 Inga ndakusolweda;Inga ndakunjizya muŋanda yabaama,+Ibakali kundiyiisya.
Inga ndakupa waini uujisi tununkilizyo kuti unywe,Imusinza wapangwa lino-lino kuzwa kumicelo yamapomegranite.
3 Ijanza lyakwe lyalumwensyi nokunga lili kunsi aamutwe wangu,Alimwi janza lyakwe lyalulyo nokunga lilandikumbata.+
4 Ndikonkezya ndinywe, nobana basimbi bamu Jerusalemu kuti:
Mutasoli kubusya naa kukulwaizya luyando mulindime ccita mane lulitalikile lwini.”+
5 “Ino nguni ooyu uuboola kuzwa munkanda,Kayeeme amuyandwa wakwe?”
“Ndakakubusya munsi aacisamu camaapele.
Okuya banyoko bakamyongwa nobakakuyumwide mwida.
Inzya, okuya banyoko bakamvwa kucisa nobakakutumbuka.
6 Kondibikka mbuli ciganto amoyo wako,Mbuli ciganto ajanza lyako,Nkaambo luyando lulaanguzu mbubonya mbuli lufwu,+Akwalo kulipa cakumaninina takunyoneki mbubonya mbuli Cuumbwe.*
Mabangabanga aandulo mabangabanga aamulilo uuvwilima, inzya mabangabanga aa Ja.*+
7 Maanzi manji taakonzyi kuluzima luyando pe,+Noiba milonga taikonzyi kulutola.+
Ikuti naa muntu wapa mbono zyoonse zyamuŋanda yakwe kuti aule luyando,Masimpe bantu balakonzya kuzisampaula.”
8 “Tujisi mucizyi uucili muniini,+Alimwi tajisi nkolo.
Ino tuyoomucita buti mucizyi wesuIbuzuba mbwayooselwa?”
9 “Ikuti kali bwaanda,Tuyooyaka nsonje yalubaya yansiliva alinguwe,Pele ikuti kali cijazyo,Tuyoomusinkila apulanga lyacisamu cakkedari.”
10 “Mebo ndili bwaanda,Alimwi nkolo zyangu zili mbuli ngazi.
Aboobo mumeso aakwe ndiliMbuli muntu uukkede muluumuno.
11 Solomoni wakajisi muunda wamisaansa+ ku Baala-hamoni.
Muunda ooyo wamisaansa wakaubikka mumaanza aabasikuulanganya.
Umwi aumwi wabo wakali kuleta mali aansiliva aali 1,000 kuzwa kumicelo yanguwo.
12 Ndilaamuunda wamisaansa uutanduumyi musako.
Mali aansiliva aali 1,000 ngaako yebo Solomoni,Mpoonya mali aali 200 ngabaabo balanganya micelo yanguwo.”
13 “Yebo ookkede mumyuunda,+Balongwe baswiilila jwi lyako.
Ambebo andiliswiilile.”+
14 “Fwambaana, omuyandwa wangu,Kobalikisya mbuli nanja+Naa mbuli mwana wansyaAtala aamalundu aatununkilizyo.”
Bupanduluzi buyungizyidwe
^ Naa “Cikkalilo Cabafwu.” Amubone Bupanduluzi Bwamabala.
^ “Ja” nkufwiinsyigwa kwazina lyakuti Jehova.
