Kutalisya Mubandi
CIIYO 5
Bupampu
Njiisyo: “Majwi aanu kaakondelezya lyoonse.”—Kol. 4:6.
Ncaakacita Paulo
1. Amweebelele VIDIYO, naa kubala Milimo 17:22, 23. Mpoonya mubandike mibuzyo iitobela:
-
Ino Paulo wakalimvwa buti ciindi naakabona zilengwa zyabukombi bwakubeja mu Atene?—Amubone Milimo 17:16.
-
Muciindi cakubabeteka bana Atene, ino mbuti Paulo cabupampu mbwaakabelesya nzyobasyoma kubakambaukila makani mabotu?
Ncinzi Ncotwiiya Kuli Paulo?
2. Bantu balalangilwa kutuswiilila kuti naa katusala kabotu nzyotuyanda kwaamba, mbotuzyaamba alimwi anotuzyaamba.
Amumwiiye Paulo
3. Amusale kabotu majwi aakubelesya. Mucikozyanyo, ciindi nomwaambaula amuntu umwi uutali Munakristo, mweelede kucinca mbomulyaamba Bbaibbele naa mbomumwiita Jesu.
4. Mutafwambaani kumululamika muntu. Amumuleke aambaule cakulikwaya. Kuti naa waamba cintu citeendelani anjiisyo zyamu Bbaibbele, mutamukazyi pe. (Jak. 1:19) Kuti twamuswiilila, tulakonzya kuzyiba nzyasyoma alimwi akaambo ncazisyomena.—Tus. 20:5.
5. Amuzuminizye alimwi akumulumbaizya kuti kaceelela. Inga kasinizyide kuzwa ansi aamoyo kuti njiisyo nzyasyoma zyamasimpe. Amusole kubandika makani ngomuzuminana, mpoonya asyoonto-syoonto amumugwasye kumvwisya ncoliyiisya Bbaibbele.
