Ciindi Jesu naakali anyika, wakatondezya luyando lupati kubantu, kwaambisya kubacete abapengede. (Matayo 9:36) Mane buya wakaaba buumi bwakwe kutegwa agwasye bamwi. (Matayo 20:28; Johane 15:13) Lino-lino, uyoolutondezya alimwi luyando lwakwe kubantu kwiinda mukubelesya nguzu zyakwe kali Mwami wa Bwami bwa Leza kumana bucete munyika yoonse.

 Kwiinda mukubelesya majwi aakweema, Bbaibbele lilapandulula ncayoocita Jesu:

•   “Aabaiminine bapengede akati kabantu, aabafwutule bana babacete.”​—Intembauzyo 72:4.

 Mbuti mbotukonzya kutondezya kulumba kuzintu nzyaakatucitila Jesu alimwi anzyayootucitila kumbele? Mumajwi aalembedwe ku Luka 22:19, Jesu wakaambila basikumutobela kuti kabaluyeeya lufwu lwakwe. Nkakaambo kaako, mwaka amwaka Bakamboni ba Jehova balaswaangana antoomwe mubuzuba mbwaakafwa. Twamutamba kuti mukatusangane ku Ciibalusyo calufwu lwa Jesu mu Nsondo, March 24, 2024.

Amujane Ciibalusyo