Buk Song 11:1-7
Tok i go long dairekta. Singsing bilong Devit.
11 Jehova em i ples hait bilong mi.+
Olsem na i no stret long yupela i tokim mi olsem:
“Yu mas ranawe i go long maunten bilong yu olsem pisin i save ranawe i go!
2 Ol man nogut i taitim banara bilong ol;Ol i putim spia long string bilong banara na taitim,Ol bai stap long ples tudak na sutim ol man i gat gutpela bel.
3 Ol man i no bihainim stretpela pasin na ol i no rispek long ol lo,Olsem na ol stretpela man bai mekim wanem?”
4 Jehova i stap long tempel holi bilong em.+
Sia king bilong Jehova i stap long heven.+
Ai bilong em i save lukim na skelim olgeta samting ol man i save mekim.+
5 Jehova i save skelim ol stretpela man na ol man nogut tu;+Em i save heitim tru ol man i laikim pasin bilong pait na bagarapim man.+
6 Em bai kapsaitim ol trap* olsem ren i kam daun long ol man nogut;Na em bai mekim save long ol long paia na salfa+ na hatpela win.
7 Jehova i save mekim stretpela pasin;+ na em i save laikim stretpela pasin.+
Ol stretpela man bai lukim pes bilong em.*+
