Buk Song 65:1-13
Tok i go long dairekta. Devit i raitim dispela song.
65 O God, i stret ol i preisim yu long Saion;+Mipela bai inapim ol tok promis mipela i bin mekim long yu.+
2 Yu Man Bilong Harim ol prea, olsem na olgeta manmeri i mas i go long yu.+
3 Ol sin bilong mi i daunim mi tru,+Tasol yu save fogivim ol sin bilong mipela.+
4 Man yu makim na singautim long i kam klostu long yu, em i ken amamasLong i stap long haus bilong yu.+
Mipela bai amamas tru long ol gutpela samting mipela i kisim long haus bilong yu,+Em tempel* holi bilong yu.+
5 God, yu man bilong kisim bek mipela;Yu save bihainim stretpela pasin na mekim ol narakain strongpela wok,+ yu ken harim singaut bilong mipela.
Yu em Man ol manmeri i stap long olgeta hap bilong graun,Na ol manmeri i stap longwe tru long solwara, i save trastim.+
6 Long strong bilong yu,* yu bin mekim ol maunten i stap strong;Yu* gat bikpela strong tru.+
7 Yu* save mekim biksi i stap isi,+Na pairap bilong ol weiv bilong en i dai, na ol samting bilong ol kantri i paul nabaut, i stap isi.+
8 Ol manmeri i stap long ol longwe ples bai kirap nogut long ol samting yu mekim;+Yu bai mekim ol manmeri i sindaun long hap bilong sankamap i go inap long hap bilong san i go daun i amamas na singsing.
9 Yu save lukautim gut graun,Na mekim em i gat planti gris na planti kaikai i kamap.*+
God, yu putim ol wara long olgeta hap, na ol i no save drai;Yu save givim wit samting long ol manmeri,+Yu yet i mekim graun i kamapim ol dispela samting.
10 Yu mekim wara i pulap long ol baret na graun ol i brukim, yu mekim i kamap stret;Na yu mekim ren i kam daun na i mekim graun i malumalum; yu blesim graun na ol samting i kamap gut long en.+
11 Yu givim planti gutpela blesing long dispela yia, i olsem yu putim kraun long en;Ol rot yu raun long en i pulap kapsait long gutpela pasin.*+
12 Ol gras long ples nating i kamap planti tru,+Na ol liklik maunten i amamas.+
13 Planti sipsip na meme i stap long ples i gat gras na i pulapim tru,Na ol wit samting i pulap long ol veli* na i karamapim olgeta.+
Ol i singaut amamas na singsing.+
Ol Futnot
^ O, “haus lotu sel.”
^ Hib., “Em i.”
^ Hib., “em.”
^ Hib., “Em i.”
^ Hib., “mekim em i pulap kapsait.”
^ Hib., “gris i drip long en.”
^ O, “ples daun.”
