Introdaksen Bilong Seksen 3
Long ol yia bihain long Bikpela Tait, i gat sampela man i bin mekim wok bilong Jehova na Baibel i kolim nem bilong ol. Wanpela bilong ol em Abraham, Baibel i kolim em olsem pren bilong Jehova. Wai na Baibel i kolim em olsem pren bilong Jehova? Sapos yu wanpela papa o mama, helpim pikinini bilong yu long save olsem Jehova i gat intres long em na i laik helpim em. Olsem Abraham na ol narapela bilipman, na Lot na Jekop, yumi ken askim Jehova long helpim yumi. Yumi ken bilip tru olsem Jehova bai inapim olgeta tok promis em i bin mekim.
LONG DISPELA HAP
LESEN 7
Taua Bilong Babel
Ol man i laik wokim wanpela taun na wanpela taua we het bilong en i go antap tru long skai. Wai na wantu God i mekim na ol i kirap mekim narapela narapela tokples?
LESEN 8
Abraham na Sara i Bihainim Tok Bilong God
Wai na Abraham na Sara i lusim gutpela sindaun bilong ol long taun bambai ol i ken stap olsem ol tripman long graun bilong Kenan?
LESEN 9
Nau Ol i Gat Pikinini Man!
Hau bai God i inapim tok promis em i mekim long Abraham? Wanem pikinini bilong Abraham bai insait long dispela tok promis—Aisak o Ismael?
LESEN 10
Tingim Meri Bilong Lot
God i mekim paia na salfa i kam daun olsem ren long Sodom na Gomora. Wai na ol dispela taun i bagarap? Wai na yumi mas tingim meri bilong Lot?
LESEN 11
Samting Bilong Traim Bilip
God i tokim Abraham: ‘Plis, kisim dispela wanpela pikinini bilong yu na go long wanpela maunten long graun bilong Moria, na givim em olsem ofa.’ Hau bai Abraham i feisim dispela samting bilong traim bilip bilong em?
LESEN 12
Jekop i Kisim Rait Bilong Fesbon
Aisak na Rebeka i gat twin bois, nem bilong ol Iso na Jekop. Iso i bon fes, olsem na em inap kisim wanpela spesel samting long papa. Wai na em i kisim boul stiu na i givim rait bilong em long Jekop?
LESEN 13
Jekop na Iso i Kamap Wanbel
Hau Jekop i kisim blesing long wanpela ensel? Hau em i kamap wanbel wantaim Iso?
