LESEN 02
Baibel i Tok Promis Long Gutpela Sindaun
Ol man long olgeta hap bilong graun i karim ol hevi we i mekim na ol i bel hevi, tingting planti, na tu, karim pen. I gat wanpela hevi i bin painim yu na yu pilim olsem? Ating yu bel hevi bikos yu kisim wanpela sik o wanpela yu laikim i dai. Ating yu tingting olsem, ‘Ol samting bai kamap gutpela, o nogat?’ Baibel i kamapim bekim bilong dispela askim na i strongim yumi.
1. Baibel i tok promis long wanem gutpela samting?
Baibel i stori long wai na graun i pulap long ol hevi, na tu, em i kamapim ol gutpela tok olsem ol dispela hevi i bilong sotpela taim tasol na klostu nau bai pinis olgeta. Baibel i tok promis long ‘gutpela sindaun em yumi i ken bilip na wet long en.’ (Ritim Jeremaia 29:11, 12.) Ol dispela tok promis bai helpim yumi long karim ol hevi bilong yumi long nau, long holim stretpela tingting, na long painim amamas tru.
2. Baibel i tok promis long wanem kain sindaun bai kamap long bihain?
Baibel i tok long bihain “bai i no gat dai moa, na ol bai i no bel hevi moa na krai moa, na ol bai i no inap pilim pen gen.” (Ritim Revelesen 21:4.) Ol hevi—olsem stap rabis, pasin i no fea, sik, na dai—we inap mekim yumi pilim olsem i no gat gutpela samting bai kamap long nau, ol bai pinis. Baibel i tok promis olsem ol man bai stap amamas long Paradais long graun inap oltaim oltaim.
3. Hau bai yu inap strongim pasin bilong yu long trastim tok Baibel i mekim long ol gutpela samting bai kamap?
Planti man i hop long ol gutpela samting bai kamap, tasol ol i no save sapos ol samting ol i laikim bai kamap tru. Tasol ol samting Baibel i tok promis long en bai kamap tru. Yumi ken strongim pasin bilong yumi long trastim ol tok bilong Baibel long rot bilong “skelim gut ol Rait Holi.” (Aposel 17:11) Taim yu stadi long Baibel, yu inap skelim sapos yu laik bilip long tok Baibel i mekim long ol samting bai kamap long bihain o nogat.
KISIM SAMPELA SAVE MOA
Skelim sampela samting Baibel i tok promis long en bai kamap long bihain. Lukim olsem wanem ol tok promis bilong Baibel i helpim ol man long nau.
4. Baibel i tok promis long yumi inap stap oltaim oltaim na i no gat pen na hevi
Lukim lista bilong ol samting Baibel i tok promis long en. Yu laikim wanem ol tok promis? Bilong wanem?
Ritim ol skripsa i stap arere long ol dispela tok promis, na skelim ol dispela askim:
-
Yu ting ol dispela skripsa i helpim yu? Yu ting ol dispela skripsa inap helpim famili na ol pren bilong yu tu?
Piksaim long tingting olsem yu stap long graun we
|
NO GAT WANPELA MAN BAI . . . |
OLGETA MAN BAI . . . |
|---|---|
|
|
|
|
|
|
|
|
|
|
5. Ol tok promis bilong Baibel inap helpim man
Planti man i bel hevi o belhat long ol hevi ol i karim o lukim. Sampela i pait strong long ol samting i mas senis na kamap gutpela. Lukim hau ol tok promis bilong Baibel long ol samting bai kamap gutpela i helpim ol man long nau. Pilaim VIDIO, na stori long ol dispela askim.
-
Long dispela vidio, wanem kain pasin i no fea i mekim Rafika i no amamas?
-
Maski dispela pasin i no fea em i bin lukim i stap yet, olsem wanem Baibel i helpim em?
Ol tok promis bilong Baibel long gutpela samting bai kamap bihain inap helpim yumi long daunim ol bel hevi na stap amamas. Ritim Provep 17:22 na Rom 12:12, na stori long ol dispela askim:
-
Yu ting ol tok promis bilong Baibel long ol gutpela samting bai kamap inap helpim yu long nau? Bilong wanem?
SAMPELA MAN I TOK: “Ol tok promis bilong Baibel long ol gutpela samting bai kamap bihain em stori nating tasol.”
-
Wai na yu ting em i bikpela samting long yu yet i skelim gut?
OL BIKPELA POIN
Ol tok promis bilong Baibel long ol gutpela samting bai kamap bihain, dispela i helpim yumi long karim ol hevi.
Riviu
-
Bilong wanem ol man i mas save long ol tok promis bilong God?
-
Baibel i tok wanem samting bai kamap long bihain?
-
Olsem wanem ol tok promis bilong God long gutpela samting bai kamap bihain i helpim yu long nau?
MEKIM WOK PAINIMAUT
Kisim sampela save moa long hau ol gutpela samting bai kamap bihain inap helpim yu.
“Pasin Bilong Bilip na Wet—Yu Ting Em Inap Helpim Yu?” (Atikol long jw.org/tpi)
Kisim save long olsem wanem pasin bilong bilip na wetim ol gutpela samting bai kamap bihain inap helpim ol man i gat sik we i no inap pinis.
“Karim Hevi Bilong Sik i No Inap Pinis—Baibel Inap Helpim Yu?” (Atikol long websait)
Taim yu lukim dispela musik vidio, piksaim yu yet na famili bilong yu i stap amamas long Paradais bai kamap bihain em Baibel i tok promis long en.
Ritim stori bilong wanpela man husat i bin mekim ol samting i agensim gavman, tasol em i senis taim em i kisim save long ol tok promis bilong Baibel long ol gutpela samting bai kamap bihain.
“Mi Pilim Olsem Mi No Gat Wok Long Stretim Pasin Bilong Ol Man” (Wastaua, Julai 1, 2013)
Ating Yu Bai Laikim Tu
OL ASKIM PLANTI MAN I SAVE MEKIM
Baibel Stadi Kos Em Ol Witnes Bilong Jehova i Save Mekim Em Wanem Samting?
Ol Witnes Bilong Jehova i mekim fri Baibel stadi program, yu ken yusim wanpela trenslesen bilong Baibel em yu yet laikim. Yu ken invaitim famili olgeta bilong yu o ol pren bilong yu long joinim yu long stadi.
