Memorial Bilong Tingim Dai Bilong Jisas
Sarere, Epril 12, 2025
Wanpela taim long olgeta yia, ol Witnes Bilong Jehova i save mekim bung bilong tingim i dai bilong Jisas olsem em i bin tok: “Yupela i mas mekim olsem yet bilong tingim mi.”—Luk 22:19.
Mipela i laik invaitim yu long dispela bung.
Ol Askim Planti Man i Save Mekim
Dispela program em hamas aua?
Program em 1-pela aua samting.
Em bai kamap long wanem hap?
Toktok wantaim ol Witnes Bilong Jehova long hap bilong yu long kisim sampela save moa.
I gat pe bilong dispela bung?
Nogat.
Ol i save singaut long mani?
Nogat.
Ol i gat wanpela pasin stret bilong bilas?
Dispela bung i no kolim stret pasin bilong bilas, tasol ol Witnes Bilong Jehova i wok strong long bihainim tok bilong Baibel long werim ol klos samting i soim gutpela tingting na rispektim ol narapela. (1 Timoti 2:9) I no gat wok long yu werim ol klos i gat bikpela pe.
Wanem samting bai kamap long Memorial?
Ol i save kirapim miting na pinisim miting long rot bilong singim wanpela singsing, na wanpela Witnes Bilong Jehova i save mekim beten. Wanpela tok bilong Baibel bai stori long risen na dai bilong Jisas em i bikpela samting na hau yumi ken kisim helpim long samting God na Krais i mekim long yumi.
Bilong kisim sampela save moa, lukim atikol “Wai na Bung Bilong Kaikai Bilong Bikpela Em Ol Witnes Bilong Jehova i Save Mekim i No Wankain Long Ol Narapela Lotu?”
Wanem taim bai ol Memorial i kamap long bihain?
2025: Sarere, Epril 12
2026: Fonde, Epril 2
Ating Yu Bai Laikim Tu
MEMORIAL
Tingim Dai Bilong Jisas
Mipela i laik singautim yu long kam bung wantaim mipela long dispela bikpela bung. Bai yu kisim save long olsem wanem laip na indai bilong Jisas inap helpim yu yet.
OL BIKPELA TOK BILONG BAIBEL
Bilong Wanem Jisas i Dai?
Ating yu harim olsem em i dai bilong baim bek yumi long sin. Tasol olsem wanem dai bilong wanpela man tasol inap helpim planti milion manmeri?