Mipela i save bihainim tok bilong Baibel long “mekim gutpela pasin long olgeta man”—maski ol i bilong wanem lotu. (1 Pita 2:17, Buk Baibel) Eksampel, sampela kantri i gat planti handret tausen Witnes Bilong Jehova. Maski i olsem, mipela i no go long ol politisen o lain bilong kamapim lo na putim presa long ol i mas stopim o tambuim wok bilong ol narapela lotu. Na tu, mipela i no kempein long gavman i mas putim lo bambai olgeta manmeri i bihainim ol pasin na bilip bilong mipela, nogat. Mipela i larim ol manmeri i bihainim ol pasin na bilip bilong ol yet, na mipela tu i amamas long ol i larim mipela i bihainim ol pasin na bilip bilong mipela.—Matyu 7:12.