Swivuriso 31:1-31
31 Marito ya Hosi Lemuwele, rungula ra nkoka leri mana wakwe a n’wi tshinyeke ha rona:+
2 Xana ndzi fanele ndzi ku yini eka wena n’wananga,Wena n’wana wa mbeleko wa mina,Wena n’wana wa switshembiso swa mina?+
3 U nga nyiki vavasati matimba ya wena,+Kumbe u landzela tindlela leti lovisaka tihosi.+
4 A hi swa tihosi, wena Lemuwele,A hi swa tihosi ku nwa vhinyoKumbe vafumi ku vula va ku, “Swakunwa swa mina swi kwihi?”+
5 Leswaku va nga nwi kutani va rivala nawuVa honisa timfanelo ta swisiwana.
6 Va nyikeni swakunwa leswi pyopyaka lava lovaka+Mi va nyika vhinyo lava nga emaxangwini.+
7 A va nwe kutani va rivala vusiwana bya vona;Va nga ha ma tsundzuki maxangu ya vona.
8 Lwela vanhu lava nga kotiki ku tilwela;Lwela timfanelo ta vanhu lava lovisiwaka.+
9 Vulavula u tlhela u avanyisa hi ndlela leyi lulameke;Lwela timfanelo ta loyi a pfumalaka ni xisiwana.+
א [Aleph]
10 I mani la nga kumaka nsati la nga ni vuswikoti?+
I wa nkoka swinene ku tlula tikorala.*
ב [Beth]
11 Nuna wakwe u n’wi tshemba hi mbilu yakwe hinkwayo,Naswona nuna wakwe a nga pfumali nchumu xa nkoka.
ג [Gimel]
12 U hakela nuna wakwe hi swilo leswinene, ku nga ri leswo biha,Vutomi byakwe hinkwabyo.
ד [Daleth]
13 U kuma voya ni malapi ya ntsembyana;U tsakela ku tirha hi mavoko yakwe.+
ה [He]
14 U fana ni swikepe swa muxavisi,+U vuya ni swakudya swakwe hi le kule.
ו [Waw]
15 U pfuka ka ha ri vusiku,A swekela vandyangu wakwe swakudya,A nyika ni malandza yakwe ya xisati swakudya.+
ז [Zayin]
16 U vona nsimu kutani a yi xava;U rima nsimu ya madiriva hi mali leyi a yi bindzuleke.*
ח [Heth]
17 U tilulamisela ku tirha hi matimba,*+Naswona u tiyisa mavoko yakwe.
ט [Teth]
18 Wa swi xiya leswaku bindzu rakwe ra vuyerisa;Rivoni rakwe a ri timeki nivusiku.
י [Yod]
19 Mavoko yakwe ma khoma nhonga yo luka,Naswona mavoko yakwe ma khoma nhonga yo swula.*+
כ [Kaph]
20 U pfuna loyi a pfumalaka,Mavoko yakwe ma pfuna xisiwana.+
ל [Lamed]
21 A nga karhateki hi ndyangu wakwe loko ku va ni gamboko,Hikuva ndyangu wakwe hinkwawo wu ambale swiambalo swo kufumela.
מ [Mem]
22 U tiendlela swo funengeta mubedo wakwe.
Swiambalo swakwe swi endliwe hi malapi ni voya bya phephulu.*
נ [Nun]
23 Nuna wakwe wa tiviwa etigedeni ta muti,+Laha a tshamaka exikarhi ka vakulukumba va tiko.
ס [Samekh]
24 U endla swiambalo hi malapi a tlhela a swi xavisaNaswona u xavisela vaxavisi mabandhi.
ע [Ayin]
25 U ni xivindzi naswona wa xiximiwa,U langutela vumundzuku a nga chavi nchumu.*
פ [Pe]
26 Nomu wakwe u wu pfula hi vutlhari;+Nawu wa musa* wu le ririmini rakwe.
צ [Tsade]
27 U languta leswi endlekaka endyangwini wakwe,A nga xi dyi xinkwa xa vulolo.+
ק [Qoph]
28 Vana vakwe va pfuka kutani va vula leswaku u tsakile;Nuna wakwe wa pfuka a n’wi dzunisa.
ר [Resh]
29 Ku ni vavasati vo tala lava nga ni vuswikoti,Kambe wena u va tlula hinkwavo.
ש [Shin]
30 Ku saseka ka kanganyisa ni vumbhuri bya hela,+Kambe wansati la chavaka Yehovha u ta dzunisiwa.+
ת [Taw]
31 N’wi nyikeni vuyelo bya leswi a swi endlaka,*+Naswona mitirho yakwe a yi n’wi dzunise etigedeni ta muti.+
Tinhlamuselo ta le hansi
^ Vona Tinhlamuselo.
^ Hi Xiheveru, “hi mihandzu ya mavoko yakwe.”
^ Hi Xiheveru, “U khama masenge yakwe hi matimba.”
^ Nhonga yo luka ni yo swula a ti tirhisiwa ku phota kumbe ku endla ntambhu.
^ Kumbe “xivunguvungu.”
^ Kumbe “hleka siku leri landzelaka.”
^ Kumbe “Xileriso xa rirhandzu; Nawu wa rirhandzu.”
^ Hi Xiheveru, “N’wi nyikeni mihandzu ya mavoko yakwe.”
