Tipisalema 110:1-7
Pisalema Ya Davhida. Miloti.
110 Yehovha u byele Hosi ya mina a ku:
“Tshama evokweni ra mina ra xinene+Ku fikela loko ndzi veka valala va wena va va vunavelo bya mikondzo ya wena.”+
2 Yehovha u ta tlakusa nhonga ya wena ya vuhosi leswaku u nga fumi eSiyoni ntsena, a ku:
“Famba u ya fuma exikarhi ka valala va wena.”+
3 Vanhu va wena va ta tinyiketela hi ku swi rhandza loko vuthu ra wena ri ya enyimpini.
Ntlawa wa wena wa majaha wu fana ni mathonsi ya mberha lama waka hi vurhonga,Va vonaka va sasekile no kwetsima.
4 Yehovha u hlambanyile naswona a nge cinci:*
“U muprista hilaha ku nga heriki+
Ku fana na Melkisedeke!”+
5 Yehovha u ta va evokweni ra wena ra xinene;+U ta herisa tihosi hi siku ra ku hlundzuka kakwe.+
6 U ta avanyisa matiko;+U ta endla leswaku tiko ri tala hi mitsumbu.+
U ta herisa murhangeri* wa tiko lerikulu.*
7 U* ta nwa exihlobyeni lexi nga etlhelo ka ndlela.
Hikwalaho, u ta tlakusela nhloko yakwe ehenhla.
Tinhlamuselo ta le hansi
^ Kumbe “tisoli.”
^ Hi Xiheveru, “nhloko.”
^ Kumbe “misava hinkwayo.”
^ Ku vuriwa “Hosi ya mina” leyi nga boxiwa eka ndzimana 1.
