Tipisalema 121:1-8
Risimu Ra Lava Tlhandlukaka.
121 Ndzi languta etintshaveni.+
I mani loyi a nga ta ndzi pfuna?
2 Ndzi ta pfuniwa hi Yehovha,+Muendli wa tilo ni misava.
3 A nge pfuki a tshike nenge wa wena wu rheta.+
Loyi a ku rindzaka a nge khudzeheli.
4 Waswivo! Loyi a rindzaka Israyele,A nge jovoti kumbe a etlela.+
5 Yehovha wa ku rindza.
Yehovha i ndzhuti+ evokweni ra wena ra xinene.+
6 Dyambu a ri nge ku hisi ninhlikanhi,+Ni n’weti a wu nge ku vavisi nivusiku.+
7 Yehovha u ta ku rindza emakhombyeni hinkwawo.+
U ta rindza vutomi bya wena.+
8 Yehovha u ta ku rindza eka hinkwaswo leswi u swi endlakaKu sukela sweswi ni hilaha ku nga heriki.
