Tipisalema 146:1-10
146 Dzunisani Yehovha!*+
Ndzi ta dzunisa Yehovha, hi mbilu ya mina hinkwayo.+
2 Ndzi ta dzunisa Yehovha vutomi bya mina hinkwabyo.
Ndzi ta yimbelela ndzi dzunisa Xikwembu xa mina loko ndza ha hanya.
3 Mi nga tshembeli eka tihosana,*Kumbe eka munhu, hikuva a nge swi koti ku mi ponisa.+
4 Loko ku hefemula kakwe ku hela, u tlhelela entshurini;+Hi siku rero miehleketo yakwe ya lova.+
5 Wa tsaka loyi a pfuniwaka hi Xikwembu xa Yakobo,+Loyi a tshembaka Yehovha Xikwembu xakwe,+
6 Muendli wa tilo ni misava,Wa lwandle ni swilo hinkwaswo leswi nga eka swona,+Loyi a tshamaka a tshembekile,+
7 Loyi a lwelaka lava tekeriwaka swa vona,Loyi a phamelaka lava nga ni ndlala.+
Yehovha u tshunxa lava khomiweke.+
8 Yehovha u pfula matihlo ya lava nga voniki;+Yehovha u yimisa lava khinsameke;+Yehovha u rhandza lavo lulama.
9 Yehovha u sirhelela valuveri;U hlayisa n’wana la nga riki na tatana ni noni,+Kambe u onha makungu ya lowo homboloka.+
10 Yehovha u ta va Hosi hilaha ku nga heriki,+Xikwembu xa wena, wena Siyoni, eka vanhu lava nga kona sweswi, ni lava ha taka.
Dzunisani Yehovha!*
Tinhlamuselo ta le hansi
^ Kumbe “Haleluya,” leswi vulaka “Dzunisani Yah.” Yah i nkomiso wa vito leri nge Yehovha.
^ Kumbe “vanhu va xiyimo xa le henhla.”
^ Kumbe “Haleluya,” leswi vulaka “Dzunisani Yah.” Yah i nkomiso wa vito leri nge Yehovha.
