Tipisalema 16:1-11
Miktami* ya Davhida.
16 Ndzi sirhelele Xikwembu xanga, hikuva ndzi tumbele eka wena.+
2 Ndzi byele Yehovha ndzi ku: “Hi wena Yehovha, Xihlovo xa mina xa vunene.
3 Naswona vakwetsimi lava nga la misaveni,Vakulukumba, va ndzi tisela ntsako lowukulu.”+
4 Lava gandzelaka swikwembu swin’wana va tivangela maxangu yo tala.+
A ndzi nge pfuki ndzi endle magandzelo ya vona ya swakunwa ya ngati,Hambi ku ri ku vula mavito ya swikwembu swa vona.+
5 Hinkwaswo leswi nga ndzi nga na swona swi huma eka Yehovha+ ni mikateko leyi nga exinwelweni xa mina.+
Wena u sirhelela ndzhaka ya mina.
6 Ndzi nyikiwe tindhawu letinene.
Ndzi enerisekile hi ndzhaka ya mina.+
7 Ndzi ta dzunisa Yehovha, la ndzi tsundzuxaka.+
Hambi nivusiku miehleketo* ya mina ya ndzi tshinya.+
8 Ndzi tshama ndzi ehleketa hi Yehovha.+
Hikuva u le vokweni ra mina ra xinene, a ndzi nge pfuki ndzi tsekatsekisiwile.+
9 Hikwalaho ndzi tsakile ni mbilu ya mina ya khana.
Naswona ndzi tshama ndzi sirhelelekile.
10 Hikuva a wu nge ndzi tshiki eSirheni.*+
Nandza wa wena la tshembekaka a wu nge n’wi tshiki a vona mugodi.*+
11 U ndzi tivisa ndlela ya vutomi.+
Emahlweni ka wena ku ni ntsako lowukulu;+Evokweni ra wena ra xinene ku ni ntsako hilaha ku nga heriki.
Tinhlamuselo ta le hansi
^ Vona Tinhlamuselo.
^ Hi Xiheveru, “tinso.”
^ Kumbe “eSheol.” Vona Tinhlamuselo.
^ Kumbexana “vona ku bola.”
